一教瞓醒變妹妹<<少少甜，卜卜脆>>: 第五十七章 真相前奏
“你係天龍家既人？”葉恬冷冷向捉妖人問，但臉上一d疑惑既意思都冇。估計佢只係想再確認一下捉妖人係咪黎“茅廁點燈”。
“係又點呀？你好放開星月喇！”捉妖人向佢大鬧，同時迅速從書上撕三頁紙甩向葉恬！
三頁紙般凝成閃電劈向葉恬，威力好勁！被直接命中既話，正常人類一定死硬，應該連灰都冇得剩！
葉恬一舉起手，空中立刻出現三把藍色劍，形狀不規則，三個一米長既藍色影子既物體輕而易舉就擋住捉妖人果三頁紙！最令我驚訝係葉恬既反應同速度！捉妖人閃電書頁既招式係放閃電，飛行速度係光速，葉恬擋住依招，亦既係話佢既反應同速度係光速 ！
葉恬一定係係捉妖人出招既時候就已經睇穿佢既招數，從而早作防備！睇黎可能依個幾百年前既葉恬，對天龍家招數好熟悉！
捉妖人一見自己既道術被輕而易舉擋下，馬上意識到葉恬並唔係一個等閒之輩，甚至可能係實力遠超自己既高人，變得謹慎，一時不敢隨便出招。
“時間到喇。”葉恬又抬起頭望一望天上，好似一直係等待緊d野
“仆街啦你！”捉妖人見到葉恬又無視旨，自然好唔忿氣，等時機再出招。
“紫牢。”葉恬淡淡講一句，連睇都冇睇過捉妖人一眼，頭依然係微抬望住月亮。
空氣中立刻就出現六支紫氣凝結既棍，瞬間就飛向捉妖人，捉妖人身法咁敏捷亦避唔過依六支棍，連三秒鐘都冇，捉妖人就被果六支棍子架住，完全郁唔到！！
天龍家唔知第幾代傳人，同北山老妖打平手既男人，現在就被人家一句話就制住！捉妖人心有不甘，但亦冇辦法？ ！
制住捉妖人之後，葉恬低下頭來望一望我，又講左一句“時間到喇”。
“你想做咩？！放開我！”我向住佢大叫
“你好同我放開星月！夠膽郁佢一隻手指，我都要劈死你！”一邊早已被制住既捉妖人亦都大聲威脅
但葉恬似係乜都聽唔見一樣，睇佢個樣係一個好有主見既人，只會按照自己計劃在行事，根本唔理會周圍環境變化。
依個時候我回頭望一望小依，示意佢絕對不可以輕舉妄動！更唔好隨便使用法術！我睇得出，依個葉恬唔係想要我地條命。如果唔係，以佢實力我地早就GAMEOVER喇，根本唔會拖到而家，佢肯定有野需要我地。唔係，是需要我完成一d非常重要事，所以由一開始就一直係度等緊。到底係咩事，又點解要我做依件事，我就唔知道喇！
“黎……”佢有溫和地對我講左一個字，但動作卻一d都唔溫和，硬生生拎住我隻手，我點掙扎都走唔到，然後又掰開我手指，將我中指露出黎
做乜鬼野要我做粗口手勢？ ！佢要對我中指做乜？ ！我心裡非常緊張，而家我都唔敢輕舉妄動，只能等佢下一步動作。
鬼知佢從一邊衫袋裡掏出一個精緻盒仔，打開裡面居然係一隻好靚既戒指！唔通佢搞咁壇野只係為左要我戴個戒指？ 心裡暗自鬆左一口氣。但另一邊捉妖人卻好似劏豬一樣，突然尖聲大叫：“唔得，我明白喇！星月，你千祈唔好戴上依隻戒指！唔係一兩句話講得清楚啊！總之！總之你一定一定唔好戴依隻戒指！”
捉妖人既說話令我猛然一驚，嘩，屌！伏黎架？！唔通依戒指裡有d咩玄機或文章？ ！睇捉妖人既樣子，佢應該係突然諗到d野，而且係非常緊急既事！
但係隻戒指唔係我話唔帶就唔帶呀！！係條老野係咁塞我戴，我又收唔到隻手返黎！
眼睇戒指馬上就到我指尖既時候，突然一陣振動波就係我袋裡飛一般四散開。
依個情況我以前好似係邊度見到過，啊！係芙蕾雅湖划船果次！係祖先！祖先忍唔住出手喇！ ！ ！
依一震直接就將隻戒指震到葉恬甩手，葉恬依一次終於唔再係果副淡定既表情，臉上明顯出現緊張同驚訝神情，伸手就搶我個袋。我盡量攬實，但最後都係比佢搶走。
今次仆街鳥！祖先點算呢？在我擔心祖先既安危時候，祖先飛機杯突然從袋中飛出黎，直接一記“無影腳”狠狠踢到葉恬臉上，唔只咁，踢完一腳，緊接住又接一個上踢。我驚訝於一隻飛機杯居然就直接將依個葉恬踢到趴街！真係令我嘆為觀止，忍唔住拍手！估唔到祖先變成飛機杯，身手仲係咁犀利！
祖先飛機杯一個瀟灑落地，除左現在既佢海拔太低以外，其他盡顯型格啊！我順勢就退後兩步，同小依企返埋一齊，小依好緊張咁到處睇下我有冇受傷，不過其實我一d事都冇。
睇一睇周圍既人，又係同之前一樣！係依個結界裡除左我同祖先，以及葉恬之外，其他人無一例外，全都暈倒，但結界外面既人全部冇事，仲可以見到靈風係度不停敲打外膜 ！
但好奇怪，點解頭先結界入面發生令人驚心動魄既戰鬥，而外面既人好似一d奇怪感覺都冇呢？除左靈風一直盯著依個膜牆之外，其他人好似繼續去狂歡！冇可能呀，我地依度又行雷，又放飛劍，嘈到拆天，絕對係科幻或魔幻片一樣，冇理由吸引唔到人黎睇 ！除非，，只有一個可能性，就係我地係裡面能夠睇到外面，但外面睇唔到裡面！
“你………你點會係度架？”葉恬飛快一個起身，單膝跪地向我地依邊大叫，
睇黎佢完全冇諗過我會仲有人幫拖，更冇估到我會收埋祖先係我個袋！或者係話一定冇諗過我祖先居然變成一個………飛機杯…………汗顏
“葉恬，係時候我地要計一計我地d舊賬喇！”祖先聲音顯得不容置疑，十分威嚴。
“藍如天！你唔係一早就去閻王報到嗎？點解三百幾年你魂魄仲係度！”我第一次聽葉恬講咁多個字！祖先有好面呀！
“起身！葉恬，我仲未打夠呢！”祖先聲音暗藏著憤怒，氣場足以讓人不敢靠近！