一教瞓醒變妹妹<<少少甜，卜卜脆>>: 第五十六章 月初之時
第五十六章 月初之時
聽到果主持人講完果句“下面有請葉恬先生為星月小姐獻上訂婚戒指”既時候，我差d嘔血！嚇到我即刻企係身！心諗發生緊咩事？我只係拎住張莫名其妙既請柬黎赴約咋喎，點解突然就成人地既未婚妻？！痴哂線咁！
睇到我突然站企起身，主持人立刻接住講：“啊，睇黎星月小姐已經好心急喇，哈哈。”
依個主持幾識執生喎！但今日我唔會比面佢喎！
我企起身想大叫，“我拒絕！”，但係未開口，我就聽到一句聲大喝從台下傳黎“我唔同意！反對！”
咦！估唔到仲有同道中人！把聲，，，把聲好熟，，好似係，，，
答案係就係眼前！從人群中突然跳出兩個黑影，一個捉妖人，而另一個就係大聲叫既靈風！
睇黎我頭先冇眼花睇錯人！從一樓到岩岩，真係佢地兩個！不過我而家心情係幾感動，好似係孤立無援既作戰，有戰友黎打救咁
靈風果然係我老死，“係關鍵時刻，死黨真係最好！”，真係發自真心！
“我唔同意！”又係一聲大叫，今次係捉妖人大叫
但靈風鄙視啤捉妖人一眼，：“我都嗌過啦，龍躉你耳仔入水呀？on99咁，人叫你又叫！”
“屌，本來我想嗌架，電影一般情節都係咁架啦！女主角要被迫嫁比壞人，男主角突然出現係結婚現場收壞人皮，之後救走女主！”捉妖人回啤靈風
呵呵，兩個仲係好似撈亂骨頭咁，1分鐘唔洗，佢地2個已經衝上台，就快走到黑色石台上面，主持人嚇到呆左，佢大叫一聲：
“實Q呢？快d將依2個搞事既人帶走！你地2個唔好再係度搞事喎！”
同時又機械地回頭望一望坐櫈上既葉恬，表情仲係好淡定，只係眼神又變得鋒利。睇到葉恬依個樣，主持人嚇到臉都變青！睇黎葉恬真係一個好可怕既人物，從下面既客人同依位主持人依竹種敬畏已經遠遠超過對上司既程度。
主持人一講完就有幾個虎背熊腰既保安實Q走上黎，想捉住靈風佢地，靈風身手之前都見過佢打mk仔，唔知打身形大隻既實Q會唔會唔夠揪？反而捉妖人佢應該冇問題，人地同北山老妖都打成平手既高人！
果然不出我所料，捉妖人打幾打，頭先圍上黎果四五個實Q就被直接打到飛返落台，有d打到飛到幾米外，簡直似玩一樣！d實Q一個個瞓哂係地，應該真係好鬼痛，一直冇人企返起身
其實靈風直接叫一句“我爸係靈真！你地係咪想死？”就搞掂！始終依度都係佢家族地頭，但咁做有d冇出色，我估佢都係咁諗，所以冇講佢老豆係邊個！
捉妖人同靈風解決哂果幾個實Q之後，直接就想衝上黑色石台
眼見佢地要衝上黎既時候，旁邊一直坐係度既葉恬終於講野喇！淡淡講左一句：
“恩，時間到喇。”
乜鬼野時間到喇？ 咩意思呢？一開始我就好似比依個老野玩緊咁！
葉恬講完依句之後，巨大既黑石台四周頓時好似伸出結界一樣既野，呈現出一種透明淡綠色！
“主人！睇下！月亮！”小依突然係我身後大叫！我回頭一於，天上果然出現一絲月亮邊緣！唔通佢係指月初之時到？ ！shit!我太大意喇！我本能以為月亮出黎一定指係夜晚，原來並唔係！月亮真正開始出現時候係傍晚！
見局勢不妙，我拔腿想衝出去，但葉恬卻一野抓住我手腕，任我女兒身超人般力量竟然睜唔開佢！條老野簡直好似機械手一樣有力！佢唔係整痛我，只係保持係我手無法脫離既力度。
依下我有d怯喇，我從冇估到面對我女兒身既力量都唔夠依個老野打！
“你個仆街！快d放開星月！”捉妖人一聲大叫竟然直衝到我面前，抬手就向葉恬直打一拳！
咦！佢點入黎架？想入結界唔係等閒之物可以入黎啊！佢竟然咁輕鬆入到黎？ ！再仔細睇，我先知道，捉妖人並唔係穿過結界入黎，而係結界未完全覆蓋既時候從頂上既空隙跳入黎！而靈風身手唔夠捉妖人快，就冇咁幸運，只可以係外面望住！
說時遲那時快，捉妖人一拳打向葉恬，我係旁邊都能感到佢既一陣勁風！
但依陣風好快就停左，令我目瞪口呆既係捉妖人一拳被葉恬只係用一根食指就擋住！而且係穩穩定定地擋住！
可能捉妖人依一拳冇用道術，但憑佢既力量，正常人早就被打飛到走，而依個葉恬只係用一根手指就擋住依一拳！我心入面不禁滴汗
捉妖人顯然亦冇有諗到咁既局面，臉上浮現驚訝既表情。
捉妖人當然唔係咁容易就被嚇退既人，猛地抽回拳頭，然後向後退一步，就要黎第二波攻擊！
依一次捉妖人拳頭同飛踢似驟雨般向葉恬打過去，而葉恬依然係果副波瀾不驚既樣，仲係伸出頭先果隻手指，只向捉妖人輕輕一推，捉妖人就堆到仆係地上。
“仆街仔呀，睇黎識玩道術！咁我都唔客氣喇！”捉妖人拍一拍身上既灰塵企返起身。
葉恬甚至都冇望過佢一眼只係輕輕地講：“我勸你都係走啦！”然後抬頭望住微露既月亮，好似根冇諗住同捉妖人打，更冇將注意力放係捉妖人身上。
對於捉妖人，唔係，係對於任何一個男人黎講被無視都係一種極端諷刺，捉妖人當然亦唔可以忍到，直接就開左佢本天怒書，頓時閃電劃過天空，聚集係佢手中，凝結成一本閃耀神器。
葉恬先慢慢將頭向捉妖人轉過去，嘴角一笑，但語調依然平靜地講：“有d意思！”
依個時候，祖先突然係袋裡猛地撞我一下，我突然諗到！係喎，捉妖人係天龍家既後人啊！咁條老野肯定認識依招，仆街喇，情況好似變得更差！
依三大家族跨越六百多年既時空又再次相遇！！！