一教瞓醒變妹妹<<少少甜，卜卜脆>>: 第九十章
第九十章千鈞一發（下）
屌，乜料！我急忙叫祖先快d望下，但我一低頭再抬頭之後，居然發現火中既眼睛又唔見左，消失左！
“有咩事呀？孫仔，我冇發現有咩唔妥啊？”祖先望一望我，
“哦，咁算啦，可能係我睇錯。”我口雖然係咁講，但我始終都係覺得好奇怪，畢竟我好少睇錯野。
由於我地一直向前狂跑，所以我都冇對依件事太上心，一心只諗住向前跑。
“快！就係前面！”葉恬回頭對我說，
我地加緊腳步，一路跟住葉恬，終於黎到一塊四對火焰較少既停機坪，但停機坪上空空如也，冇一架飛機！
“飛機呢？”我急忙問！
“唔洗擔心，睇下！”隨即葉恬一按佢腰帶上一個紅包掣，
瞬間地面一股微弱既震動，前面既停機坪居然中間打開，而從地下慢慢上升出一架小型私人客機！頂，葉家既果然財力雄厚，好似睇特務片一樣！
“快！冇時，，，”葉恬話未講完，突然從旁邊火中衝出一道火紅巨大身影直撲葉恬！
當然葉恬的反應速度亦係超人級別，一個側身加一個側踢直接用衝力射球一腳將佢踢出去！
我被突如其來既怪物嚇左一跳，一望過去一個體型巨大，毛色火紅既狼？ ！唔會掛！變種狼？點解可以躲係火中？天龍家幫動物染毛？
唔好以為我分唔清狼同狗，狼既眼神同狗有區別，可以話一眼就睇得出黎！所以我敢確定係狼，只不過依隻狼唔似現代既狼，眼前依隻狼體型係一隻現代狼三倍大！
突然身邊火焰都變得搖曳！彷彿裡面有好多不知名既野蠢蠢欲動！
一剎那，我明白我岩岩睇到既眼睛係咩物體，唔會比我估中火堆裡全都係狼掛？！
下一秒，上帝就印證左我既猜想，所有火堆裡猛地衝出了解到無數隻火紅毛色既狼！大小各異，最小亦有現代狼既體型，而最大既比襲擊葉恬果隻更大一d！
“我屌！”我不禁爆左句粗口，咁多
狼，我地我地順利起飛，恐怕冇咁順利！
“咁多火狼，睇黎天龍家今次落重本要「煮」死我地！”祖先苦笑一下，
再望一望葉恬，臉色也好嚴肅，就知道依d火狼唔好對付！
“你地快帶我妹上機先！依度我黎應付！”葉恬很快講左一句，
“咁你要小心d！”講完我即跑，而家唔係客氣既時候！因為上機路上雖然短，但係一邊對付依d火狼一邊衝過去有d難度！
我同小依各自凝結出鬼火同狐火，向飛機那邊衝去，每當有一隻火狼衝上前，我就用一團鬼火將佢擊飛，但冇幾耐佢又會再次襲來，似乎唔會心死一樣！或者防禦力太高！
如果係剩係咁，我地仲可以應付，關鍵係接落黎發生既事！
只見火狼身上火紅色皮毛真係燃起火焰，真係名副其實既“火狼”
著火既火狼，速度變得更快！簡直似係貼地而飛，而且佢地撞到物件，立即就會產生爆炸！依一下，我地真係有d難以招架！突然間，一隻體型三倍大既火狼向我正面衝過黎，我立刻向佢扔兩發鬼火，但居然無濟於事！只係似產生兩爆炸，佢依然極速向我衝過黎！小依離得我有d遠，肯定趕唔切返黎到我身邊，火狼身上又帶著火，我又唔可以踢佢，但而家佢已經近在眼前了！情急之下，手情不自禁的就向後一摸。
“呯”！一聲動聽的金屬碰撞之聲從我的面前散發出來！係關鍵既時刻，我抽出離姬，用佢擋住了來襲火狼！
緊接著突然之間有一股手感，似乎我天生就知道點用依把劍一樣，我一個上挑，就將火狼挑到半空中。
睇準時機，我又一個橫劈，直接凌空將隻巨大火狼攔腰劈成兩半！
“主人，你好勁啊！”一邊向一我跑來既小依驚呼，一面崇拜既樣望住我！講真話，我冇諗過我可以完成依個動作，整個動作好流暢，冇一d猶豫，甚至連完成一套技能之後我自己都唔敢相信，就像好似發夢一樣！
依劍手感亦係出奇好，好似融合我身體一部分用起來非常流暢，唔怪之得祖先話我劍術天賦唔會太弱雞，睇黎祖先並冇呃我。
打死一隻巨型狼之後，我地其他既就比較好解決，兩分鐘左右，我同小依就成功登上飛機。
一上飛機，就發現火狼似乎目標改變，唔再係我地，而變成攻擊飛機！似乎佢地意識到殺唔死我地，轉而向先毀我地主要既交通工具！
一剎那之間，火狼潮水一般湧向飛機，而飛機與火狼組成既“潮水”只見只有一個葉恬作為屏障！
屌，火狼肉眼數一數冇60幾都至少有50隻！葉恬今次大獲！
但葉恬絲毫冇任何退一步既意思，只見佢企係原地動不動，只是突然間右手向天空一指，
我好奇佢做乜嘢？但祖先卻笑一笑說：
“睇黎葉恬忍唔住喇！”
忍唔住？咩意思？難道葉恬要放大技？
係！佢確實冇放大技，因為，因為簡直係超級大技啊！簡直係大開眼界！
我地前方整個天空突然暗淡，好似日食果種感覺一樣！好似成個天空被擋住，緊接著就睇到數以十萬計藍色“影劍”從天空同時射下！依個場面，猶如整個銀河突然落下一樣！實在係太過壯觀！
整個過程其實連一秒鐘都未到，就只係向天空一指，眨眼間就消滅哂前方所有敵人，真係可以講得上(一夫當關萬夫莫開！)
隨即我諗起，葉恬已經咁屈機，果個天目又會係點既level 既屈機呢？我祖先活著既時候又會係點呢？ ！
諗一諗就覺得自己無比既渺小，好彩而家葉恬係企係我地依邊。
最終飛機由葉恬駕駛順利起飛，向龍結山出發飛去....