一教瞓醒變妹妹<<少少甜，卜卜脆>>: 第九十一章

第九十一章空降

係機場驚險起飛之後，我鬆左一口氣，心諗終於可以抖下。

短暫既休息一下之後，我開始打量起依架飛機，一架小型的商務用飛機，但內部裝修非常豪華，各種科技更一應俱全。

“你用劍既時候感覺係點？”祖先一邊向一自己身體中間放j既位置倒茶，一邊問我

“感覺唔算特別好或唔好！”我笑住回答，又諗起岩岩我瀟灑既二連擊，不禁心裡一陣小得意。諗起用緊一個靚女既身體做劍，真係爽，不禁諗究竟我握劍既位置係離姬身體既邊部分呢！ ！





“孫仔，你既鬼火可以配合劍使用，想像一下，令自己氣與劍合一！”祖先既說話打斷既遐想，，，

“好，我試試。”說完我就集中精力，但真係好難，我嘗試左幾次，始終都未領略到，無法將自己的氣與劍合一，便對祖先說：

“唔得，我根本感覺唔到離姬既氣息，或者話太微弱！”

“算啦，算啦，你岩岩開始學用劍，能有依個水平已經好好，但依個方法你要記住，今後在多加練習。”祖先慢慢地說，並冇責怪我既意思。

“我地就快到！”駕駛室裡葉恬通過機上廣播對我地說





我立刻走到窗邊，向下望落去，心裡有d怯，因為下面根本睇唔清楚係咪龍結山！完全連連綿綿一片山！有d地方甚至連山都睇唔到。

“太高喇掛，”祖先也稍稍皺起眉頭，

於是我跑去打開駕駛室門，同葉恬說：

“降低一d高度，咁高我地根本冇辦法辨認到係咪龍結山！”

但葉恬的回答令人無話可說，





望我一眼說：“再低，就有可能中佢地既道術。”

我心中一顫，原來唔係葉恬考慮疏忽，而係我地疏忽，葉恬必定已經保持最低安全高度，而我卻冇意識到依個問題！

但依個高度我地飛行安全，落地就未必！下面都係樹林和高山，咁高既空中跳傘係非常危險！而且就算我地搵到安全地點可以滿足跳傘要求，地面上天龍家既人會發現唔到我地嗎？佢地現在肯定擺明已經知道我地要跳傘既計劃！

我心裡感到今次飛行恐怕會非常危險！同時我又諗起電影中既傘兵，有三成戰區空降傘兵跳傘失敗而死，天龍家既道術又咁屈機，令我不寒而顫。

飛機飛行高度居然降低！向一邊一處較為平坦山坡上飛去，做咩呢，又改計劃嗎？

我趕忙再次回到駕駛室，卻見到葉恬好端端坐係度駕駛著飛機，並冇任何異常，

我疑惑佢有乜野新招：

“喂！你搞乜嘢？而家飛機高度降低左咁多！”





葉恬冇回頭，慢慢地對我說：

“係我故意咁做，你帶我妹妹同你朋友係依度跳傘，我同你祖先去龍結山山頂道觀！”

我一聽，立刻表示唔同意，佢哋兩個就算厲害，估計都唔係咁多人既對手，而且，而且最令我擔心係天龍家掌門，現在既祖先到底能唔能一下收佢皮，都還有待商榷！

“我唔可以比我妹再次犯險，所以，拜託你。”葉恬說話的時候回頭望一望我，眼神裡多左一d懇求的既思，今次係我第一次見到佢有懇求別人！又諗起666，不禁感嘆一下，隨即就答應。

駕駛室裡客艙就只係隔左一道門，門一打開，客艙裡的人都能聽得見我地對話，我回頭，見到祖先也點一點頭，表示默許。我深知，祖先諗法同葉恬一樣，如果話葉天係為佢妹妹，咁祖先就係為左我既安全

“快返去，準備跳傘！”葉恬大聲說

“好！小依，你同我一齊跳傘”我向小依叫，





葉恬一回頭，念左一句唔知乜野，666就又變成返一隻貓，方便我地帶佢跳傘。

隨著距離平坦一點d山越來越近，我同小依打開艙門，頓時一股強力氣流沖入機艙，差d令我地企唔穩！

“準備好嗎？！”我頂著風大喊，同時又檢查一邊綁著666安全帶，

“準備好喇，主人！”小依同樣頂著風回答我，

我點一下頭，然後伸出三根手指頭，示意她三下之後我地就跳落去，

“一！”

“二，，，”

“三！！！”





小依輕輕的朝艙外一跳，一瞬間就跌
落去，緊接著我也向外縱身一跳，順著地心引力就向下飛去！

由於我地穿著既唔係正規跳傘服裝，所以阻力很大，我既上衣就要被吹飛，bra bra 外露！我不禁拉住我件T恤！

突然間，猛地有一股力向上一托，我速度就降下落黎，只見天空展開藍色帆布

我環顧四周，遠處亦見到藍色帆布，應該就係小依。

一落地，我立刻就脫去身上跳傘設備，仰頭去望葉恬架飛機，只見飛機先是再次拉升高度，似乎都飛到雲層之上，緊接著一下子俯衝落，速度都能當戰鬥機用！但好奇怪，速度未免有d太快喇掛？！咁快既速度，飛機唔可能咁近距離再次爬升到安全高度！唔通！？

我額頭上都冒出冷汗，唔會掛？！佢地想用好似恐襲既突進方式？ ！

但隨住飛機逼近一座最高的山峰，也越加印證我既諗法！冇錯，佢地想用飛機直接去道觀！





等到飛機離山頂比較近既時候，突然之間，山峰上射出無數閃電般的光束，射中機翼冒出大火！

但飛機速度太快，依少少攻擊阻擋唔到架飛機既軌跡！

最終在一聲巨大的爆炸聲中，飛機將整個山峰變成一片火海！

我睇到目瞪口呆！不禁擔心起祖先同葉恬。。。。。