從前有個校長，佢禁錮左全校學生【更新至第二十一章】: 第二章

我地班房位於二樓，2B係202室，201係電腦室，2A就喺一樓。203，204就分別係2C同2D（精英班），然後205,206就3A同3B再隔離就男女廁所同locker。2B對面係家政室，所以有時上下上下堂都會聞到香味，但有時都有燶味。家政室隔離就係mmlc，F2打後嘅都會喺嗰度上堂，而電腦室就通常俾F1同自學嘅人去。二樓仲有一個活動室俾舞蹈隊嘅人用。

7:34
「蕭永，做咩今朝唔見你？」我一入到課室就見到同男仔打交…道嘅蕭永。

「我老豆車我返學呀嘛！」
真有米…………

之後又傾左D無關痛癢嘅話題





「該配合你演出的我演視而不見」咸魚一返黎就唱左句佢大陸“老公”薛之謙嘅“演員”出黎，然後……
「在逼一個最愛你的人即興表演」蕭永同moon大合唱！

我係一個唔追星嘅人，唔like韓星同中國歌星嘅人（巴打絲打唔好嬲），唔like程度介乎於白目同討厭之間，我討厭韓星整容，我討厭簡體字。但係我又鍾意聽英文歌同美國出產嘅戲，可惜班中完全無知音人，唉~

i'm in love with the shape of you ……

8:01
「願諒我這一生不羈放縱愛自由……」
「lokky鍾意patrina」




「一追再追……」
「無懼世事變改還是愈難愈愛……」

惡夢終於都黎啦！

我最憎就係我嗰班嘅男仔。

好煩

特別係胡基言，真係好L想切左佢條聲帶，每日喺度嘈，無人理佢就更加大聲咁講野，明乎其實嘅個腦少左條筋。





好彩，我喺小學已經學左一招技，可以進入自我陶醉嘅忘我世界。方法好簡單，就係合埋眼，想像自己企喺最鍾意嘅空間，或者幻想下其他嘢，例如FF自己同某大明星拍拖，同意中人打茄倫嗰D，不過我就F下新故，同有D咩嘢畫咁囉。總之每次我都會沉醉喺自己嘅世界……哼歌……

so baby call me closer……

8:10
「叮叮叮…………」
八點二，早上嘅鐘聲從來都唔會姍姍來遲，準時打鐘為遲到嘅同學帶來惡夢嘅音響，恭喜佢地要記多次名。今日難得地Joey同Chleo兩大女神都無遲到，以氣質爆嘅樣子進入課室，兩位女神有完美S身材，班上都有一兩個男仔（嗰D叫咩咩主席ar，咩咩don ar）去一追再追，仲喺佢地無收兵嘅情況下自願性地當兵，真係唔知係痴情定白痴啦！我好似將佢地兩個捧到天上有地下無，其實都係兩個好眉好貌嘅女仔，真正被封為女神嘅原因係佢地嘅人品，無私、友善、樂於助人。

「早晨咁多位同學，喺兩分鐘前，天文台發出左八號東北暴風信號，教育局宣佈停課並留在安全地方。但咁多位返左黎嘅學生就需要留喺學校如常上課……」鄧副校長以一成不變嘅沉悶語氣道出夢魘般嘅事實。無視班主任嘅可怕目光，全班都情不自禁咁爆左句「屌」出黎，無辦法，鬼叫晏小小又話遲到，早又局住無停課。但班主任突然用力拍枱，所以全班都慢慢靜下來，無錯，係慢慢。聽完副校長其他嘅廢話同宣傳之後，就要睇明報，其實根本就無人用心睇。最衰嘅係報紙唔可以揼落校內嘅垃圾桶同廢紙箱，所以每次櫃桶都塞左一大堆報紙，學校出面嘅垃圾桶更加爆滿報紙，全部都係學生放學後造成嘅結果。

8:40
上堂鐘聲終於響了，唔使再睇無聊嘅報紙lu。忽然一個淡黃色的紙團從後飛來，正當它以垃圾桶為目標將要筆直地插入去，卻撞到桶蓋以完美拋物線跌喺地下。「噢~kitty神carry！」一把低沉嘅聲音從我身後傳來，佢係金正毛（花名），有一個同金正恩一樣嘅頭。我地坐喺第一、二行嘅前排位置，我後面就是毛，再後就是Joey，坐最後嘅係煩到死嘅胡基言；坐我隔離嘅就係男班，明明我都唔算矮（165cm），但偏偏要同一個連147都無嘅人坐第一排。佢後面順序就係kitty，咸魚，歪兒同好煩嘅陳伯。我地頭兩行成日都用紙團當籃球，垃圾桶當籃球架咁玩。但係我從來都唔玩，只負責提供廢紙俾佢地（儲左好多垃圾紙喺書包同櫃桶），我先唔想因為違反課室秩序而扣分。所謂嘅男班同主席其實都唔係咩特別乖嘅學生，應該係我地呢屆都無乖嘅學生。本來我地班應該有32人，但因為有一個留班生從來無返過，所以只得31個，佢好似叫余子。
【待續……】