“麈俗當中有太多人,相識過卻愛不到,人生路,緣和怨亦有一天衰老……"
我塞住耳筒,隨機抽選咗胡鴻鈞首"明白了",腳步卻匆匆,完全無視歌詞意思
走喺一條又一條大馬路上,街上人來人往,都係互不相識,生活係香港呢啲大城市,所有事就好似走馬燈一樣,速速掠過,包括「事」,都包括「人」,每天走喺同樣嘅街道,每人擦肩而過,只係擦肩而過,各行各路,或者,時間從來都無變,因為人與人一開始,都係互不認識,直至現在,就好似我同我嘅......
女朋友
廢話唔多講,仲未記得介紹我自己,我今年23歲,175cm,普通樣,住喺屯門,喺某大學讀完無幾耐,而今日我腳步匆匆嘅原因,係因為今日我人生以來第一次見工,其實我真係唔想去,回想番今朝明明較鬧鐘較咗七點半起身,而interview時間十點半,要去中環,點知衰懶訓,八點半先起身,食咗早餐著好衫兼行去巴士站,已經九點,仲要嗰架惟一一條喺屯門過到海嘅「特快express」巴士路線,行近屯門公路嘅時候前面居然有交通意外搞到大塞車,十點廿五分先落車,行去面試地點都要十五分鐘,今次實收皮
尤其更加令我心情變得極差兼不情願去interview嘅,係因為今日係前女友離世五週年嘅日子......
5月20號,偏偏喺呢啲時候先發生啲咁嘅嘢,
以下既野你當我9up算
人喺少年嘅時候仲係輕狂無知,好多野都諗得好天真,以為有夢想就乜都得,包括愛情,ps又係嗰啲老套場面,中四嘅時候嚟咗個遲來的插班生,叫hailey,點解轉嚟我就唔知,佢係一個好平凡嘅女仔,成績平凡,係別人眼中佢個樣都好平凡,於是好快變做邊緣人,初初我都冇為意,咁啱佢又坐係我隔離,先發覺佢都好鐘意講嘢,所以我哋乜嘢都傾,wts唔覆一秒都唔得,特別佢嘅性格同我好似,佢個人好隨和,都唔易嬲,所以我哋好夾得埋,好快就好friend
之後我哋有時仲會約埋一齊出下街睇下戲,其實都好曖昧架啦,每當我有困難嘅時候佢都係背後扶持我,我哋又會互訴心中事,慢慢我都好鍾意佢,半年後我終於鼓起勇氣同佢表白,仲記得表白嘅時候我係用wts嘅




「我鍾意你呀——可唔可以做我女朋友」
「其實,我都鍾意你」
嗰一刻我開心到飛起,除咗因為脫離A0,亦都為我有一個好女朋友而開心
之後我同佢過住甜蜜嘅生活,有時功課多到透唔到氣,只要佢比一句小小支持嘅說話我,我就一定會加把勁,仲記得我嘅初吻,係同佢去街嘅時候,佢突然問:
「BB你愛唔愛我?」
「點會唔愛你?」
佢好開心,一啖錫咗落我個咀到
原來初吻美妙嘅,係感受著對方嘅溫暖,真係好珍貴,雖然上面嘅故事好罕好古板,但係就係因為咁,呢個就係我地平凡嘅故事
我嗰陣時真係以為我哋可以一生一世
可惜快樂嘅時間過得唔長,我哋唔係因為嗌交而分手,而係因為......




中六某一日,我照樣陪佢一齊放學,等馬路嘅時候,佢手上嘅手機跌咗出馬路,佢二話不說衝出去執......
我嗌佢唔切,因為前面有一架--貨車
一秒之後,面前嘅係一灘血
醫院度,佢搶救無效
死亡時間:15:20 20/5/20xx
我崩潰咗,喊咗好多日,同時不停怪責自己,點解唔可以阻止到意外嘅發生, 後來為咗忘記佢,我清理曬手機上面同佢嘅合照, 同佢嘅照片都一一燒咗,以為咁樣就可以忘記,但係佢喺我腦海入面嘅樣卻忘不了……
小小雪白嘅面龐,烏黑嘅眼睛,面上帶住嘅甜蜜嘅笑容,仲有小小嘅酒窩,款式簡單嘅米白連身裙,普普通通嘅波鞋,畀人一種好pure好true嘅感覺
呢個就係我認識嘅hailey,希望你聽到我講嘢,我鍾意你……
呢個係我同佢唯一一次嘅緣分





潘朵拉盒子關上,趕住interview嘅我停咗好耐沉思,回歸現實, 結果,十一點先去到公司interview,去到唯有講sorry,好彩老闆都畀我繼續面試,不過都心諗冇機會啦
幾星期後……
我收到應徵公司嘅信,佢話我做錯事(遲到)認錯態度誠懇,品格良好,interview表現又唔錯,所以佢哋取錄我做高級文員, 認真我超驚喜……

待續……
已有 0 人追稿