是咁的，我嘅職業係動物傳心師: 2.新聞刺針

近排好多人開始留意動物傳心依樣嘢，事關有線《新聞刺針》篤爆咗一班呃飯食嘅傳心師。

「只要有心，人人都可以做得到。」只要有心，係人都可以係食神。

「哦死物嚟嘅？」係呀，唔係點跣你一鑊金。

「曾經有無布歐出現過呢？」《龍珠》入面有一隻。

「譬如佢哋會儲存咗嗰個人嘅情緒。」兜吖兜吖繼續兜吖。





我望住fb不停被些牙嘅動物傳心新聞，真係於心不忍，因為柒到覺得好似「今見孺子將入於井」咁，唔幫下手嗌cut個良心會過意唔去。

無惻隱之心非人也，《新聞刺針》真係個個都非池中物，你睇佢哋被傳心師姐姐問：「咁張相係咪依隻？」嗰陣，個「係」字答得幾斬釘截鐵、強而有力就知，佢哋係以破釜沉舟之勢要大踢爆，令人不得不喺心入面拍手叫好。