「你好,我是Dada的朋友阿金,恕我冒昧,有一事相求。」

對方好快回覆:hi~我係Miki,依位兄台客氣客氣,有咩要幫手?」

我將情況同自己嘅疑慮一一交代清楚畀Miki知。

「你懷疑間café有景轟?想我借記者身表面上做訪問,實際上就係乘機搵下有無蛛絲馬跡?」

「沒錯。最重要下走廊上的奇怪房間,我在那裡聽到過貓叫。」





「但具體嚟講,你覺得間嘢有可能有咩問題呢?」

「最簡單想到的是虐待,但店內的貓還算健康⋯⋯我仲未打完,就突然諗起洗完手返入café嗰陣聽到嘅事。

一隻貓撩另一隻貓交配。

靈機一觸,我終於知道嗰啲怪味到底係咩。

類似係荷爾蒙嘅味道,好似大量貓嘅精液同體液混雜咗之後,殘留到發霉嘅味道。





「還可能是強逼貓隻不停交配配種之類。」

「哦!非法做動物繁殖再賣出去賺錢!放心交喺本小姐身上,我會用媒體嘅力量幫你搵真相㗎!」

「謝謝你。」

「傻啦!報真相係記者應該做嘅嘢嚟㗎嘛!好好呀你,願意為動物做依啲嘢。」

「沒辦法,動物沒能力自己拯救自己,也只有人類能幫牠們了。」





個讚你👍你連icon都係同貓貓影,實係好鍾意動物。」

經Miki一講,我先為意到我同餐肉影依張相嘅角度同位置,竟然同佢同男朋友影嗰張相差唔多,真係好巧合。

「對,牠是餐肉,我最愛的寵物。可惜已經不在了。」

隔咗一陣,我見到Miki個名下面出現「輸入中……」跟住又消失,隔咗一陣,又再「輸入中……」

「咁啱嘅。我icon係我男朋友,我最愛嘅人,不過可惜都已經唔喺度喇。」

睇佢男朋友個樣比我更加後生,唔知係因為咩事咁早就唔喺度呢?
已有 0 人追稿