[科幻][長篇]星際星塵: 7.敵人出現

「我地由依度跳落去」
「What the。。。」聽到依句，星華隻眼就好似依個星球嘅人一樣咁凸，儘管佢已經變返地球人嘅樣。
每次嘅出動嘅方式都係非常奇特，爬水管，高處跳下，星華每次都比佢嚇到傻。
「跳啦，你要習慣下架啦」
「我諗我都要好耐先習慣到」
佢地兩個直接跳下，星華一直緊閉雙眼，直到阿洛講
「望地下，跳起緩衝」
星華係空中跨越依度嘅建築群，一下接一下嘅跳躍，不消一刻，星華就已經到左被毀滅嘅建築，阿洛亦從後趕上。
「你每次都係要跳得咁大幅度，控制自己，ok?」
「好囉」




「依度嘅樓同屋幾乎毀滅曬」
「唔係，依棟未冧」
「究竟係咩人要摧毀依度」
「應該係前政府軍，依度係反抗軍嘅中心」
「我地而家入去依座大樓調查下」
阿洛神色彷徨，好似連佢都唔明白究竟發生左咩事
佢地一口氣跑上依座政府大樓岩岩火燭嘅樓層，只見大火仲未熄滅，阿洛隨手拎出一塊滅火毯，直接將大火逐漸撲熄。入面只見一張熏黑嘅圓檯，同埋十幾具屍體。阿洛即刻上前睇下仲有無生還者，但只係發現幾乎每一具屍體頭部都被刺穿，係毫無掙扎之下被殺害，直接死左係佢地坐緊嘅凳上面。地下仲有幾具屍體，戈幾具屍體死狀可怕，接近被分屍，頭部被直接砍左落嚟，再被腰砍。地上仲有佢地用嚟反抗嘅一把激光槍，槍頭熏黑，似岩岩開過一槍。地下仲有兩個有裂痕嘅盾牌，好似係被刀砍過嘅痕跡。
「依度究竟發生左咩事，佢地好似突然遇襲，全部人都無反抗之下死曬。」星華震驚指住伏在檯上嘅屍體。
「依堆人全部都係反抗軍嘅領袖，係地下戈幾個應該係啲將軍。」
「如果無估錯，佢地應該開緊會議，依敵人就趁機偷襲，一網打盡。」阿洛指住另一邊開緊嘅立體投影器。




「咁下一步我地應該做咩」
「試下搵啲兇手。」
「你覺得啲兇手未走咩。」
「應該未，因為佢地仲未摧毀到依棟大廈」
阿洛繼續推論
「你留唔留意到依座大廈無冧，你知唔知點解」
星華搖頭
「因為依度有防護罩。啲兇手應該係搵緊個防護罩開關，然後再摧毀依度。」
我去下面搵，你去上面，分頭搵。
「然後阿洛拋左個回力標狀嘅物體比星華」




「發信器同武器，搵到聯絡我」
星華向樓上一直跑，但始終無發現到任何人。星華繼續跑，直到到達最頂戈層，見到一道大門，入面佢隱約聽到一啲聲音。佢即刻對住個回力標講
阿洛我好似發現左啲嘢，你快啲上嚟
不幸地，星華依少少嘅聲音好似被人發現左，一邊伏係大門聯絡阿洛嘅星華突然失平衡倒地，原來係大門已經被打開。隨之而來嘅係對住星華嘅兩下槍擊，幸好星華反應敏捷，向右一碌就避過一劫。佢隨即拎起回力標迎擊。星華直接拋出回力標，然而被戴住面具嘅蒙面人直接避開。星華接過回力標，試圖再次攻擊對方，但係蒙面人已經拎起手槍，再次瞄準星華頭部，向星華開左一槍，星華及時用回力標擋住依一槍，回力標頓時成為一個護盾，擋下依一槍。星華發現回力標會自己變形，再一chok，再回力標變成一把弩，作勢將箭射向對方。其餘蒙面人立即加入戰團，圍攻星華，星華只好再次用護盾抵擋佢地嘅攻擊，但寡不敵眾，節節敗退。依個時候一個手持棍嘅身影出現，先給左面嘅蒙面人迎頭痛擊，再以棍直接掃向其餘幾個蒙面人，直接將佢地打退。星華即刻躲到依個身影背後。原本星華已經退到大門外，隨著依個黑影步步進擊，對面嘅蒙面人亦都被打返入去。蒙面人即刻跑到大型電腦前面，並圍起半圓起來，睇黎大型電腦就係用黎控制防護罩嘅。星華再次拋出回力標，直接攻擊佢地一行人，但再次被佢地避開。蒙面人圍起圈上黎，星華兩人一時都唔知應該點樣攻過去。蒙面人拎起槍反擊，星華即時拎起護盾打算擋住槍擊，只見黑影直接向上拋起佢件黑袍，然後同星華講左句。
「留係度，唔好出護盾」
星華只聽到不間斷嘅槍聲，燒穿東西嘅聲音，同埋硬物碰撞嘅聲音。一下清脆嘅棍聲，一聲慘叫，彷彿已經分出勝負，但係刀劍霍霍聲再次響起，雙方好似由槍對棍，變成短距離嘅對決。星華依個時候逐漸適應到黑暗嘅環境，只見刀光劍影，幾個身影穿梭交疊，揮起長槍同時刺向一個身影，只見依個身影一下躍起，直接攻向長槍陣。雙方毫無示弱，繼續對峙。正係雙方對峙，電腦傳來叮的一聲，蒙面人一聽到即時跑向窗邊，準備逃走。阿洛隨即上前追捕，星華亦四十五度角將回力標彎彎的擲向蒙面人，依次星華終於成功，成功從蒙面人中勾出一樣野。
蒙面人破窗離開，只留下一個半邊火形嘅面具碎片，就消失左係星空。
星華即刻執起依個面具，呆呆地望著碎片思考。
阿洛打破沈默
「斃，我地都快啲跳落去」
星華同阿洛跳出大廈之際，天空飛來一道光，大廈一瞬倒塌。幸運地，佢地都安全降落地面，星華眼定定望著依片頹垣敗瓦，直到阿洛拍拍星華膊頭
「我地走啦，依度已經無野要調查啦」
「我地返星際使嘅星球，有樣好野比你睇」
星華先有所反應，跟隨阿洛登上太空船。