太空船不知航行左幾耐,星華終於從窗邊望到一個天藍色嘅星球。
戈度就係星際使所居住嘅星球?,星華問
無錯,每一個星際使都係戈度培訓,成長。
太空船慢慢接近依個星球嘅軌道,準備慢慢進入大氣層,而星華嘅視線一直無離開過依個星球。天藍色嘅星球確實令人有好多幻想。依個星球大氣層同雲層都好厚,好似成個星球都被雲所包圍咁。唔少嘅建築物都會直接穿過雲層,直指天際,感覺建築就好似依雲而建,甚至可以形容係雲上嘅建築。
太空船緩緩係一塊雲上降落,望見依個景象嘅星華霎時愣住,直到阿洛叫佢出太空船先回過神來。
我地直接行出去?
係吖,到左啦嘛
但我地係舊雲上面,點樣落去。
阿洛今次直接將星華拉落船,星華先驚覺自己並沒有踩空,而係腳踏一個平台。
我地宜家返總部啦,係時候去將成件事向上面匯報啦




星華尾隨阿洛行入依座大殿,一路行入去,四周圍都係好似佢依個年紀,身穿一襲白衣嘅年輕人。白衣人們都紛紛向依個新面孔投以奇異嘅眼光,掃視星華身體嘅每一處。星華四周張望,發現其他人都盯著自己,即刻望向第二邊,急步尾隨阿洛繼續行向大殿中心。佢地走過依啲用類似雲石興建嘅大堂,再穿過白色走廊,來到一道大門門前。門前有兩個守衛,阿洛向佢地招一招手,走進了大門後,但星華卻被人攔著,再三檢查。第一次檢查星華尚且表現合作,之後幾次重複檢查,星華開始感到不耐煩,嘗試突破守衛,闖進大門。大門終於為星華開放,星華只見一個身穿黑袍嘅老人,同一個有幾個腦嘅外星人。
「年輕人,你好嗎?」戈位老人向星華問好。
星華即刻同老人點頭。
「你點解會識阿洛嘅」老人問星華
「我係星華,係一個地球人,因為地球毀滅左,又因為好多唔同嘅意外,流落星空,結果就比阿洛救走左」
「原來係咁,你以後就留係度,好好跟阿洛學習」
老人望著阿洛講左句
「你以後要好好教導依個黎自地球嘅徒弟啦,阿洛」
星華聽到徒弟依兩個字,即時驚愕地望住阿洛
阿洛點一點頭,




「佢遲啲就會正式受訓,成為一個星際使」
星華按耐不住心中喜悅衝上前,對住阿洛大叫
「真架,我都可以成為星際使啦?」
「我就已經幫你報左名啦,不過你通唔通過到考核同訓練,就另一回事啦」
我一定會盡全力完成佢架,師父。」
星華此時笑得合不攏嘴。
「師父,不過我要去邊度考核」
「一陣帶你去」
「估唔到人稱浪人嘅阿洛都會收徒弟,仲要收左個咁有趣嘅徒弟」
老人係一邊笑住咁講




阿洛同老人鞠躬後,帶住星華離開大殿。
「個考核難唔難架」
「你一陣咪知囉」
星華一路低頭走到考核場地,對住旁邊嘅阿洛又是一語不發。
考核場地係一個鬥獸場般嘅設計,阿洛將星華推進大門,話都不說半句就走了,直接送羔羊似的星華直接送入屠宰。入到去,星華第一眼見到嘅係擁有一身肌肉身高三米嘅巨人。
星華即時捏了一把冷汗,再望向另外一邊,一隻巨獸正在噴出火焰,星華繼續冒汗,眼睛稍稍向上看,誰知見到的竟是一個類似單細胞生物的外星人飄浮在半空,星華頓時頭腦冒煙,手心冒汗,打了個冷顫。
此時一個身穿紅色衫,白色的頭戴一頂藍色帽子,看來是教官的人步入校場,望了一望四周,大聲宣佈
「好,咁多位來自唔同星球嘅年輕人歡迎大家」
全場即時掌聲雷鳴。
「我地嘅考核即將開始,請咁多位預備學員先到戈邊就座」
教官手指向校場大門對出的座位,示意大家前往。
星華趕緊找個位置坐下,望著四周陌生嘅人種,星華顯得有點如坐針墊嘅感覺,一直緊握雙手,望著地下,好似一個等候發落嘅囚犯。
四周嘅外星人對星華感到非常好奇,好像驚訝一個瘦削矮小嘅人類是如何進入星際使考核,討論嘅聲音此起彼落,大部分都圍繞星華嘅出現,直頭教官再次宣佈,現場才靜下來。
「請咁多位準備好啦,第一輪嘅選拔正式開始」
「第一輪選拔將會係格鬥術嘅比拼,咁多位全日將會不斷同在場所有對手格鬥,我地將會挑出最優秀嘅參加者進入第二輪」




現場即使投射出一陣對陣嘅人選,星華好不容易終於找到自己,怎料對手絕非容易對付。
與星華第一場對賽嘅正係一見到嘅戈個巨人,巨人一直鎚擊地下,意圖震攝星華,不過星華老早已經心慌慌,連開始嘅號令都無反應過來。
一聲開始,巨人隨即出現在星華眼前,一拳將星華打到牆上,直接把星華打暈了,但巨人無就此放過星華,直接衝上前追擊。
 
 







 
 
已有 0 人追稿