惘。戀: 阿睛篇：（三）初戀？

係我回味緊同呢班摯友嘅往事期間，熟悉嘅電話聲再次咁響起，會唔會係阿心佢搵翻我啊？我係咪可以重拾翻我嘅「成功」？依個希望，將我係美夢之中拉左出黎，我第一眼睇到嘅並唔係電話，而係期待而久嘅遊戲。
電腦桌面顯示住下載完成，逼不及待嘅我已經無理到電話嗰下響聲，同埋如果我睇到嘅信息唔係同我預期嘅一樣，心情大起大落之下，我仲點享受呢隻遊戲？
音樂奏起嗰刻，青春嘅感覺洶湧而之，一貫嘅人物面孔，熟悉嘅聲音，仲有壯觀嘅畫面，無一樣野我唔係記憶猶新，能夠再次打開呢隻遊戲，內心嘅興奮真係無法抑制，最令我感動嘅係呢隻遊戲可以秉承以往online game嘅傳統，一登入帳號，就可以開始遊戲，相比依家要經過一大堆更新先可以享受，就已經足夠我對呢隻遊戲如痴如醉。
可惜嘅係我已經無接觸呢個遊戲一段時間，同時亦無用任何嘅物品記低我嘅帳號，無奈之下只可以浪費時間咁去尋找返我個帳號同埋密碼。過程不外乎都係問幾個私人問題，填下名，電話同埋生日就可以解決，不過突出之處係佢竟然要我答一條自設答案嘅問題。

你的第一個女朋友的生日日期？

我嘗試輸入阿睛嘅生日日期，之後信心十足咁㩒左提交嘅制，係我轉左頁面，準備去搵翻依個遊戲改版之後嘅片嘅時候，我得到嘅結果係重填呢一份表格，而係呢條問題下面顯示出一個紅色嘅交叉，同寫住答案錯誤。
點解我嗰陣會揀一個咁嘅問題？究竟我嗰陣嘅女朋友係邊個？依家嘅我不斷埋怨以前嘅我，亦令我估唔到我因爲同阿睛分手而搞到心情沈重，有悶悶不樂嘅感覺竟然唔係第一次，而我居然毫無記憶？
無辦法之下，我只可以再次拎返部電話，向文杰同肥駿問下到低我第一個女朋友係邊個，仲有電話嘅信息提示聲會唔會就係阿睛回心轉意？


解開左手機嘅密碼鎖之後，再次打開WhatsApp，傷痛嘅係唔係收到阿睛嘅信息，而最近嘅嗰次對話都仲保持只係得一個tick。估唔到收到嘅信息既唔係既阿睛send黎，但都可以令我嘅心情變到難以言喻咁低落。
文杰係群組上面講：「可能約定左兩日後嘅聚會要改期，不如再夾時間？」