自掘墳墓: 別人的生死由我決定
「唔好呀！！！！」
就在John扣下扳機的一刻，安叔飛撲到Ocean面前，身體擋住了子彈。
在場所有人都驚呆不已。
「啊啊啊啊啊啊啊！！！！！！」安叔捲縮地上，痛苦地叫喊著。
John萬萬沒想到，這一槍會射到自己的隊員身上，驚訝的眼神注視「地上」的安叔。
Ocean立刻回個神來，在電光火石之間衝到John眼前，他來不及反應就被一拳勾中，退後幾步，手槍和夜明珠都掉進地上。
John噴出一口鮮血，然後立刻不顧一切地衝往Ocean，將他強行壓到「地上」，一拳接一拳歐打Ocean。旁邊的小儀本想拾起酒瓶打暈紅了眼的John，他卻巧妙地一閃避開攻擊，酒瓶輝空了。John一掌就將小儀打飛，根本毫無還手之力。可是Ocean逮著此唯一的機會，一把陷住John的脖子，然後用力踢他的下體。這下子可非常狠勁，John立刻叫嚷一聲，然後滾到牆邊去。
我瞄到地上的武器，立刻靈機一觸，撿起手槍，槍口指著John：「而家到你唔好喐啦！」
我提高聲調，確保John清楚聽見。
他怕得要命，缩到牆角裡，彷如死狗一樣。
這個亂世，誰有武器，就誰能說話。
「咳咳！唔好殺我呀！唔好殺我呀！我唔係鬼呀！」John全身發麻，單手手臂擋著額頭。
「塔隆你等咩呀！殺左條友啦！無論係人定鬼佢都會害死我地！」Ocean即使遍體鱗傷，說話都殺氣十足。
「係機會啦，等佢唔好再傷害我地！」小儀說。
「阿隆唔好呀……唔可以殺人……」安叔虛弱地說道。
「唔可以婦人之仁架！你諗下如果唔係阿叔救左我，我已經死左啦！」Ocean的說話擲地有聲。John當時的確在瞄準Ocean的致命位置，而不是單純嚇唬的。
「或者如果殺左佢，呢間房就可以恢復原狀！」小儀說：「上面隻鬼真係John嚟！咁就已經證明左！」
難道真的是這樣嗎？
「唔好呀……殺左佢就翻唔到轉頭……你就係殺人兇手……」安叔這句是墾求的語氣。
「開槍呀！一切都會結束！」Ocean叫嚷道。
抉擇，現在是我的抉擇。
John的命運，生或死，完全由我控制。
「我究竟做過乜嘢？點解一定要殺我！」John垂死掙扎：「殺左我你一定後悔！」
「快啦，塔隆！好簡單咋！手指喐兩下就搞掂，好快我地就可以逃離呢個死人古墓，去翻現實，當呢度發生嘅一切全部都係普通嘅惡夢！」Ocean開始顯得不耐煩。
「求下你……」「開槍呀！」「唔好猶豫啦！」「命嚟架！」
殺人的確非常簡單，只要一下動作就……
我緊握手槍，手指不離扳機。John閉起雙眼，等待死亡的審判。他不久前說過，人要做好死亡的覺悟是非常困難的，現在就諷刺地應驗到他的身上。
眾人仰首以待，緊張地等著我的下一步。
「唔得……」
我垂下手臂，放過了John，也放過了自己……
「多謝你……」安叔無力地說。
John撿回小命，鬆一口大氣。
「阿隆呀，你唔可以對呢種人仁慈架……」小儀悲哀地說。
「點解呀！你唔殺佢就俾我殺！」Ocean準備衝向角落。
「唔得！」我舉起手槍指著他。
「塔隆你……」Ocean神情錯愕。
「如果我殺左佢，就真係中左圈套！你望下上面嘅乾屍就會明白！」我力挽狂瀾：「我地唔可以重蹈覆轍。」
即使得罪Ocean，令他憎恨我，我都不能讓悲劇再次發生。「墓頂」的乾屍就證明了一切。
「我希望你知道自己做咩……」Ocean終於平伏心情。
「啊啊！！救命呀！！」安叔覆蓋左肩的傷口，尋求支援。
小儀和Ocean趕忙救助恩人，而我則是走到那人面前。
他坐正身軀，以百感交集的眼神凝視我，想必他自己也是意想不到我會這麼輕易放過他。
「睇嚟我之前真係睇錯左，你的確係一個幾好嘅人，唔係單純嘅『好』，而係有智慧同邏輯嘅。」John說道。
「我所了解嘅鬼唔會係好似你咁樣，不過我都係建議你唔好做咁多小動作，反正我都唔太中意你。」
「隨便，有翻條命仔仲想點……」那不知道是感恩還是埋怨。
我不想跟他多說幾句，就前往安叔那邊。我收起手槍，感覺讓我保管就好。
剛才吞下的止痛藥果然有效，現在行動頗為利落，不必依賴鐵鏟，將重心傾到一邊。
Ocean見我過來，說了句「想自己一個人冷靜」就待在另一邊，彷彿心底有說不出的不滿。
這倒難怪……剛才我情急之下一槍指向手無寸鐵的他，而畢竟我們原本就是互相信任的夥伴，我的行動好比背叛了他。
安叔上衣脫掉，小儀正在專心為他包紮，子彈威力太強，直接射穿肩膀，但這反而更好，子彈沒有遺留體內，不用擔心細菌感染。
小儀沒有說話，相信也是心懷不甘。
今天實在發生太多事情，安叔時刻在看護我們，我們才能走到這一刻。
「多謝你以身相救……」我說。
「我老骨頭咩傷都頂過，冇事嘅，小意思。」安叔面露微笑：「我都要多謝你聽我講。John最多只不過係個貪錢嘅人，冇惡意嘅，我地唔應該殺人。況且我都唔信鬼，我仲係覺得成件事只係幻覺之類嘅嘢。」
「搞掂啦，你地慢慢傾啦。」小儀留下腰包，站起來轉身走到Ocean身旁。
人下的每個決定，都不能取悅所有人。相信自己所做的事情是正確，就足夠了。然而這樣談何容易？當質疑你的人是最親近的朋友，或是社會的大眾，你就會慢慢地開始質疑自己，甚至後悔當初的決定。
「佢地會明白嘅……」安叔望著二人。
「希望係咁啦。」我說：「大家都要休息下，呢度應該只係單純嘅密室，唔會有危險。」
「阿隆，我想講下嘢。」
「係？」
「我個仔如果冇死到嘅話，應該同你一樣大。」安叔說出悲慘的話，面色卻非常平和：「我諗係時候講下我點解要加入考古隊……」