[校園]到底點樣先至可以觸摸女神: 第八章

清晨六點幾...
子文先啱啱訓咗幾個鐘，就比鬧鐘噪醒咗...
叮...叮叮叮...

我點解會開咗鬧鐘㗎？
但係唔知點解個鬧鐘總係熄唔到...

噪咗半個幾鐘，子文起身拎起部電話一望

十幾個未接電話？仆街！林曉雪？



子文即刻接聽

「肯聽電話啦咩？」

「依家七點都未到呀！」

曉雪同子文講，佢教會攪音樂比賽要一個識調音既義工幫手，問子文幫唔幫？子文諗都唔諗

「sure!時間幾點？」



「XXXX堂，六點前見人！」

仆街！依間我識人喎！麻煩啦今次！
算啦！訓到陣先算...
－－－－－－－－－－－－－
下午三時

子文坐咗緊梳發睇緊Netflix
曉雪突然奪命call子文


「文呀？你可唔可以依家過嚟？」

原來有啲小朋友趁無人係調音台，亂咁搞嗰啲制，
希望子文可以早啲到較返好佢...

「好小事啫...我依家嚟」

子文著條棉nike短褲，加件T就踏住架cinelli fixie出門口...

子文好快就到咗教堂，曉雪西住面咁係樓下等緊佢
「快啲啦！」

係既...係既...

子文一去調音台果個位，差啲想講粗口，不過見係教會先唔講



啲小朋友張啲制亂咁tune,子文要親自攞咪去重新tune過
子文本身以為只係坐下就走得，真係頂佢個肺！！

曉雪收起黑面，安慰子文
「乖啦！唔好嬲啦...整返好姐姐請你食糖！」

好似係度哄小朋友咁...

子文行曬禮堂每一個位置，遂個位都試下夠唔夠聲，攪咗一段時間，終於有時間抖下...

子文係度播歌自high下，順便試下套耳返系統

唔好講笑，依度啲野其實好pro，連耳返既監聽系統都有...
－－－－－－－－－－－－－


突然，有個女仔行埋嚟

「Hello!㗎單車你㗎？」

子文望一望，都幾靚喎
子文暫停咗啲音樂
「係呀！你有事搵我？」

「無呀！想過嚟搵你傾下計啫！」
「我叫呀盈...我好似未見過你喎！」

「我叫子文呀，唔知你識唔識啦，係林曉雪叫我過嚟做幫手義工」

呀盈大驚
「Alex佢有男仔friend？我見佢完全唔同男仔講野㗎喎」



「係咩？我又無咩點留意喎」

子文發現依個叫呀盈既女仔原來都幾得意，
都幾鐘意同佢傾計...

一陣之後，子文收到曉雪wts
「即刻嚟會客室A」

子文隔住個mon都feel到佢發脾氣，即刻9秒9衝過去

一開門，曉雪即刻黑住面咁望住子文

子文閂埋門問
「做咩呀？」



曉雪無出聲...兩個對望咗一段時間...

曉雪拉底件黑champion既拉鍊，露出子文琴日留果個吻痕

曉雪欲言又止，佢組織咗一陣先講到野
「你可唔可以唔好成日掛住溝女呀？」
「你琴晚先對我做完果啲野，一日都未過就溝其他女？」

「佢陪我傾下計啫，你又唔係度我好悶㗎」

「我一早教完啲小朋友啦！」
「係你自己唔叫我咋！」
－－－－－－－－－－－－
子文推開門，諗住同曉雪返去調音台...

有個男仔見到子文同曉雪
「what?ALEX有男仔friend?」

返到果陣，曉雪攞咗兩個飯盒出嚟...
「知你唔會帶飯，我幫你整埋啦！」

「林學長真好人，嬲我都幫我煮飯」
子文順手摸一摸曉雪塊面

點知曉雪一手拍開
「係咪想死呀？」

食食下，子文留意到曉雪揸筷子既手勢
「叻女喎！識揸筷子」

「下？好出奇咩？」

「依家好多女都唔識揸㗎！」
「果啲女我通常都比0分」

子文食飯既速度好快，10分鐘就食完碗飯，

子文食飽之後其實好眼訓，因為本身琴晚已經訓得唔好，加上啱啱做咗大量體力勞動，真係好累...

子文攞多張椅，攞嚟放隻腳上去，然後問都唔問就直接訓落曉雪大脾...

曉雪嚇親
「喂？做咩呀！」

子文同曉雪講佢好累，琴晚到依家完全無訓過...比佢訓下啦

曉雪見到子文咁累，就心軟比佢訓下
也除底咗件champion被係佢身上，當被冚

「知唔知邊Apple？」

子文答
「Apple Chan?知...雞嚟既...」

訓緊既途中，子文同曉雪傾咗一陣關於學校嘅是非，
子文雖然都想傾，但真係好累，加上曉雪既香味，最尾傾傾下就進入咗深層睡眠狀態...

子文完全瞓着咗之後，曉雪撥一撥子文啲頭髮
原來由上面望落嚟你 你都幾得意😛
－－－－－－－－－－－－－
Instagram@giftedscholar_chiman
https://www.facebook.com/hoxton924/