曉雪今日約咗幾個姊妹上嚟打牌,
當然啦,佢地唔知果度係子文屋企,

佢地一見到軒軒,個個都變曬花痴,即刻又攬又錫,
係咁捉住佢影相,影到曉雪都忍唔住話
「好啦好啦,夠啦!😂」

曉雪send咗張相比子文

'班人傻㗎!係咁捉住佢影相!😂'



'咁最傻果個係邊個呢?😈'

曉雪望住部電話
最傻果個咪係你囉😛鐘意人又唔認

點知 曉雪個表情比個師妹捕捉到

「喂!你影咩呀!」



師妹show返張相比曉雪睇
「你睇下你!笑到咁...仲唔係同鐘意既人傾計?」

凱恩都講埋一份
「唔通果個係葉...子...文?」

曉雪比人講中咗即刻心虛
「唔係呀...唔係呀!唔係果個賤人呀!」

Oscar細妹見曉雪話子文賤,眨咗兩下眼然後講


「咁佢做咗啲咩咁賤呀...?」
「唔通你同佢...」

「無呀...無呀...我無同佢咀過呀!」

曉雪個心虛到咁,佢地三個當然唔會信啦!

「雪雪BB心虛了!」

「無呀!😣」
-------------
子文坐咗係車睇緊曉雪啲story

子文係story見到曉雪係咁輸錢



人地擺明做清一色,仲打萬子出去!係咪傻㗎?

子文DM曉雪
「好彩人地無自摸,包都包死你!」

突然,子文見到眼前有一對情侶經過...
子文唔想比佢哋認到,即刻縮埋一舊

果個兩個人...係子文既夢魘...

子文見到果兩個人之後,心理狀態勁差,
佢都怕自己出事,嗱嗱臨收車返屋企好過...

子文返到屋企,班女已經走咗,只係得曉雪留咗係廳



曉雪即刻feel到佢發生咗啲事...
「發生咩事呀?」

子文唔願意回答,然後就入咗去沖涼...

子文出返嚟之後,比曉雪叫坐咗去梳化坐低...
「你答我!到底發生咗咩事?」

子文訓咗落曉雪大脾
「我撞到我個EX...」
「我見到佢同條仔好開心咁行街」

曉雪摸一摸子文個頭
「你...放唔底佢?」



子文開始忍唔到佢既淚水
「唔...係...」
「我只係...諗返起...以前...以前做過既事...」

子文一滴又一滴既眼淚,滴落曉雪件衫度
「我諗起以前...自己幾賤格...」
「點樣瞞住佢去玩女...」
「最終...分咗手...先知...原來最好既...一直都係身邊...」

曉雪無講任何野...只係輕輕咁摸住子文...
原來你都知最好既...一直都係身邊...

曉雪等子文訓咗之後,打咗個電話比Sandy
「Auntie?我...想問你一啲關於子文既野」
-------------


Instagram@giftedscholar_chiman
https://www.facebook.com/hoxton924/
已有 0 人追稿