[校園]到底點樣先至可以觸摸女神: 第十七章

話說，曉雪聽完Sandy 講述子文既故事之後
發現子文早就訓著咗...

咁就大鑊啦！

曉雪身為一個弱質女子，根本搬唔到子文返房...
曉雪決定擺子文係廳，作為佢以前做既事既懲罰！
－－－－－－－－－－－－－
到咗第二朝，子文發現曉雪唔見咗！



仆街！唔係聽完我講以前啲野，嬲到走咗下話？

子文即刻落床
「林曉雪！林曉雪！」

子文好緊張，佢好驚曉雪會就咁走咗！

曉雪係間房出嚟
「你係度嘈咩呀？」
「佢仲訓緊㗎！」



呼~好彩

子文啱啱真係驚到個心係咁跳...

「仲咩呀？驚我走佬呀？」

子文係後面攬住曉雪
「係呀」



曉雪擰轉身，拎起子文一執頭髮
「你啲頭髮好長呀，又油」

子文無咩點留意自己啲頭髮
「咩呀？我日日都有洗頭㗎喎」

「你過嚟，我幫你洗頭啦」

曉雪將長髮紮成髻，叫子文坐係浴缸裹面

子文除底咗件衫，見曉雪咩都無除
「唔係鴛鴦浴咩?🤤」

曉雪命令子文坐底
「鴛鴦浴？你就想！」



曉雪先幫子文沖水，然後落洗頭水，再幫佢按摩咗個頭一陣
「點呀？舒唔舒服啊？」

子文無回答，但係曉雪見到子文個樣咁陶醉，
都知佢十分之enjoy

曉雪沖走啲洗頭水，用毛巾幫子文包住個頭
「起身啦...」

子文無起到身，佢就咁坐係度，舉高頭望住曉雪

「仲咩呀？起身啦」

「我發現原來你身材都幾好㗎！」


「有無D？」

原來子文啱啱係咁望住曉雪個胸
唔好講笑，原來係下面望上去，又係一個新嘅體會

「唔知呀！」
「你地啲男人睇野就係咁表面...」

子文抹番乾個頭
「咩表面啫，冇外在美又點留意到內在美呀？」

「你講野真係好賤！」

叮噹



門鐘響起左，曉雪一打開門，見到一對夫婦

「想問子文係唔係度呀？」

子文係走廊走出嚟
「係度！」
「嚟接返軒軒？」
「佢未起身喎」

曉雪望咗一望
「佢依家起身啦！」

「子文，真係唔該晒你呀」

子文望一望曉雪


「唔洗多謝...況且依幾日主要佢照顧軒軒多啲」

「真係唔該晒呀」

「唔洗啦！話說我地影咗啲相呀...drop比你？」

果一刻，子文心諗
總算...唔洗再照顧小朋友...
－－－－－－－－－－－－－
假期結束，迎接嚟既就係返學

不過好彩，子文間中學好多時都唔比功課同學，
即使係假期都只係三四樣，子文一朝早返到去都抄得曬

啱啱交完功課，曉雪同子文講
「你覺得係咪要去剪頭髮？」

子文聽到曉雪話要剪頭髮
咁咪啫係要剪，子文最鐘意既啡長曲？
「吓？做咩頭剪頭髮？」

曉雪撥一撥自己啲頭髮
「啲頭髮都好長啦，長到去條腰果度啦喎」

「咁啲啡色頭髮咪無曬？😨」

「唔緊要啦，我覺得有冇乜所謂」

睇嚟子文仲緊張過曉雪
「緊係唔係啦！」
「你望下啲女個個就去染啡佢」

「但係啲頭髮真係好長呀！」
「我先唔理你呀！我今日就去剪！」

突然，副校長入咗嚟！全場即刻靜晒
「林曉雪同學，請你出一出嚟啊」
－－－－－－－－－－－－－
Instagram@giftedscholar_chiman
https://www.facebook.com/hoxton924/