打打下機都夠鐘開飯,食完飯沖埋涼都係hea同清下啲功課。
搞搞下十點幾,見到有個msg,原來係Jenny send黎。
「星期日得唔得閒?」
「咩事先」我以前閒人一個,日日都得閒,不過啲朋友問親,我都咁答,廢事成日事無大小都搵我出去。
「之前社訂咗啲野可以拎,得唔得閒中午幫我搬?」
我諗住係啲重野,就戇鳩鳩應承咗佢「哦,好

第朝返到學都冇乜特別,都係上堂、食晏、上堂、放學。
以前上堂都幾自由,細聲吹水miss阿sir都唔點理你,總之你年中年尾考試咪炒就得
論高度我算中上,成績又唔撚駛點擔心,所以成日都有得坐後排


最初就同肥狼坐,周不時傾下啲game同級上面啲女。後尾同過唔同人坐,同男坐咪傾女,同女坐咪傾(聽)是非,總算冇試過同沉默撚做隔黎鄰舍,唔係一定悶到仆街

除左上堂,以前放lunch就最撚過癮,一來我學校附近有食街,大把正野食,二來成班朋友日日出去鳩up吹水,真係乜煩惱都冇
以前學校畀好多時間我地食飯,食完飯未上堂我地就返去睇人打波(前文提過社際啲濕鳩比賽cover晒成年),唔係就返課室打乒乓波。
當然,學校點會擺張乒乓波枱喺課室,我地都係幾張書枱泊埋,擺書喺中間當網同用cal機當拍。以前啲老師對高form都幾鬆,唔會成鳩日黑口黑面對住你,見到我地打乒乓波有時都笑笑口喺課室出面睇

當然打波之外,有時肥狼又帶啲棋返黎捉,男男女女識唔識捉都埋黎湊熱鬧。有排又興返用擦膠當陀螺,係戇鳩咗啲,不過係由心而發嘅快樂

有樣野我地成班最初玩起,之後越黎越多人玩
唔知你地有冇睇過啲日本節目,當某一兩個人喺條路向一邊行,會突然彈成群人出黎湧過去。以前我地成班男人會偷望下走廊出面有冇識嘅人,然後襯佢行過黎果陣一齊彈出課室衝過去,都真係嚇過唔少人



最後有樣野我又係覺得幾好笑。我諗大家嘅中學建築設計都係差唔多,我間中學課室外面有條走廊,走廊就望到出去睇風景。
我地無聊果陣成班友會一齊企喺走廊望出去,跟住一路指指點點一路係咁「嘩」、「痴線」、「咩黎架」,行過啲人好多都八卦走埋黎
試過一次越聚越多人(畀人呃咗果啲入埋黎玩),搞到成層好嘈,最尾聽到下層都有人望出去,連老師都走上黎問有咩睇

如果有看倌仲係讀緊中學嘅話,我真係好羨慕你
作為過來人,我鼓勵你地唔好淨係死讀書(當然,如果你就快要考試,我勸你快啲去溫書),盡量享受下校園一點一滴,珍惜下群體生活。
入到U或者出到去打工,真係搵唔返以前果種快樂
已有 0 人追稿