以前返到屋企開電腦,第一件事唔係上高登或者開Facebook,而係on MSN。
我自己好討厭啲「自動登入」嘅功能,有親Friend上黎果陣,一唔記得熄就好大機會畀人玩

「喂肥狼,打唔打L4D」肥狼係坐我隔黎果條老死(仆街),識咗好耐,又係忠實機友黎。
「打,不過路人甲乙丙丁(總之就係一班人)踢完波未on,我地都未打得住。」
「玩陣黑白棋先好冇?
「是但,反正冇野做。」

我同肥狼好興玩啲冷門野,當年MSN仲work果陣,我同佢成鳩日玩入面啲game打發時間,咩黑白棋、啤牌、保齡球。
佢黑白棋成鳩日贏我,但玩有個轉水晶類似消珠拎分個game我就次次都炒佢



唔知係咪啲TXB劇 cap圖,入面話:「你同條女爭睇咩戲,我估你真係好想睇戲」喱句野都套到落以前嘅情況。
一班人搵機打搵波踢,主要原因其實都係想一班人吹下水圍威喂渡日晨。以前我同肥狼打親機都無所不談,一路鳩up一路打機,先搞到大家咁熟稔。
早一兩年去網吧(其實好憎去),見到啲小學雞一路打機一路屌人老母又話人廢物,其實都幾唏噓。

玩玩玩等等等,終於見到班機友陸續開機。
我同肥狼講:「喂肥狼,今晚咁撚多人on嘅,不如玩AOE算
佢應該係hea應我:「是但

跟住又等人屙屎屙尿沖涼,搞搞下先開到場全部人ready。我地果陣成班AOE都係新手級,都唔知點解外面啲人咁撚勁,唔駛好耐就一大堆步兵屠殺我啲村民 Anyway,反正全部都新手,都幾過癮。



上文都有講,以前成班打機都總係一路吹水一路打,班仆街講到果日我同Jenny單拖出去食野件事畀肥狼知
(肥狼人如其名係肥仔黎,所以唔會去踢波,打籃球就會join)
成班一路講一路笑,搞到我心都煩埋
我講:「屌你肥狼唔係你條仆街幫我tick咗張野我駛搞到咁

最尾輸贏就真係唔記得,但總之同親佢地打機都幾開心,都好多年冇咁齊人

P.S.其實到我中四果年,MSN嘅popularity已經走下坡。
科技真係日新月異,由以前ICQ/56K變為MSN/10MB,到而家(其實都唔算而家,都已經幾年)Whatsapp/100MB。


如果王儒懿早生幾年,上面「其實到我中四果年,MSN嘅popularity已經走下坡。」可以改為「其實到我中四果年,ICQ嘅popularity已經走下坡。」
如果王儒懿後生幾年,佢可能會講Whatsapp嘅popularity已經走下坡。
但係,縱使科技常變--手上嘅電話可能由Nokia 3310變為iPhone;但有啲野係恆久不變--人所抒之情,所詠之物,所描之景,大同小異。
已有 0 人追稿