話咁快到平安夜
老老實實英國嘅聖誕氣氛未必一定濃過香港,我住個城聖誕果陣啲人都係去全城最大Mall行,同香港差唔多;
反而香港除咗商場唔少舖頭都仲開,喱邊就似香港舖頭喺農曆新年咁閂晒。
不過論屋入面啲裝飾一定係外國精緻,小弟喺街望到人地啲屋都真係感受到:「聖誕來鳥。」

果朝我又係好早彈起身,洗完面刷完牙沖完涼諗住落去嘆早餐之際,Jenny又打黎。
Jenny:「早晨,起咗身未
我:「你咁早打黎嘈醒我仲問我起咗身未?
我扮嬲玩鳩佢:「今晚唔去啦,晨早流流嘈醒我
Jenny:「扮晒野,聽你把聲就知你起咗身好耐


我:「呃你唔到」,佢有時真係幾撚醒
「白痴,出唔出黎先然後再去join佢地?」
「雖然我早起身姐,但你都唔駛咁早搵定我喎,係平安夜唔係平安早晨
「早啲出黎啦,感受下聖誕嘛
「你請食早餐我出黎
「嗱你話架,咁你而家出黎啦。」
「是但啦唉,既然有免費早餐

之後去咗近佢個站度會合。離遠見到佢,嘩屌正,雖然果陣我對佢冇野,但毛毛褸黑絲Boots真係正
Jenny:「早晨


我:「早晨,唔好講咁多,食野先,你差我一餐。」
Jenny:「得喇行啦,食某某連鎖店好冇
我:「嘩咪玩我啦你著到咁去食某某連鎖店,出_______先再食啦。」

之後去咗_______再搵咗間非茶記非快餐連鎖店嘆咗個幾撚貴嘅早餐。
照舊飛食野情節。

到埋單果陣,Jenny:「你畀張單我我去埋啦
我:「講笑姐,照舊AA,你畀你果份我我去埋
埋完單就走咗。



果陣仲算幾早商場雖然開咗但人流唔算多,我同佢行咗去海皮兜個圈,朝早雖然未有燈開,但朝頭早去海皮感受下陽光,真係幾令人精神爽利
女仔見到靚景最鍾意做就係影相,Jenny都唔例外
Jenny:「過黎影張相先
我:「冇人行過邊個揸機?今晚先啦。」
Jenny:「自拍咪得囉蠢人
我:「唔好啦我好憎自拍」,我係Facebook永世唔post野等人tag果類人黎
「行埋黎影呀蠢人
「得喇得喇你揸機

以前真係唔鍾意自拍,不過後尾同班入面啲人又影同Jenny又影,慢慢都習慣
已有 0 人追稿