影完相之後,我地再hea咗陣,
我同Jenny講:「食夠海風未
Jenny:「咁而家去邊
我:「周圍再兜陣囉,等商場多人啲先行。去厹(九龍公園)行下好冇?」
Jenny:「好,你話事

喱章嘅地方名公開算,廢事諗太多代名詞,你睇到頭暈我諗到頭暈。

我地喺鐘樓果邊沿住文化中心兜返入去,行過太空館果陣,
Jenny成個小學雞咁一路拉住我衫袖一路問我:「喂不如入去睇下,小學之後都好少黎。」


我:「平安夜你睇太空館?唔係掛
Jenny:「入去啦入去啦
我:「……是但你啦

之後就戇鳩鳩入咗去,講真我果陣都係打發時間,邊會認真睇,不過見到有啲模型或者展板都會望望。
但Jenny異常興奮,一路睇一路叫「嘩你睇下喱啲」
之後行咗陣到中午,我同Jenny就走,冇入到類似戲院果個廳(有少少後悔)

我:「乜你咁鍾意天文架咩
Jenny:「唔係呀。」


「咁你睇到咁high嘅
「你唔覺得入去好似勾返去細個啲回憶咩?」
「冇乜特別喎
「同你唔啱channel,我地喺度分道揚鑣啦
「是但你咁我返屋企先,夜晚先再出黎
「講笑姐咁認真做咩,行啦係咪去公園呀?」
「不如行咗商場先?啲人都開始出黎。」
「好呀

行咩商場自己諗



Jenny:「你有冇野想買?」
我:「冇啦,我窮撚好少買衫褲鞋襪,上信和買咸碟就多
「死核突佬。我想買衫呀,幫下眼
「嘩你真係好撚有米,買完筆又買衫

「咪講咗畀你聽枝筆唔係我出錢,聖誕節咪買份禮物畀自己。」
「講下姐,行啦。」

Jenny除咗睇太空館睇衫都好撚癲,屌你真係冇下次
件件褸都試(佢想買褸),著上身照鏡,照完鏡問我好唔好睇,我答完好睇佢又話試第件
係咪個個女仔都係咁
已有 0 人追稿