那一年中學last day,我搶左支咪同個女仔表白: 第二節:仰慕

雖然我運動底子很好,但體育課都很久沒有跑山這項活動。

我一回到家還沒洗澡就躺到床上休息,正當我快要睡著的時候。

「咚咚咚~」有人輕輕敲我房門

「我入黎啦阿哥。」

「做咩呀細佬?有咩緊要野陣間先講啦我好攰呀.....」



站在門邊的是我弟弟阿康,{他比我小兩年,我現在讀中四,他讀中二。}

「關於今日個女架喎,你真係唔想聽下?」阿康身後傳來我妹妹阿悅高八度的聲線

{阿悅跟阿康同年,不過比阿康少兩個月,我們三人的關係都很好。}

聽到阿悅這樣說,她一定知道不少內情,加上我對送水女孩都有一絲興趣就叫了他們進來。

「點呀你兩隻野,知道啲咩呀。」



「我咩都唔知架,我淨係知你好型咁跑山炸。」 [阿康一副食花生既樣]

「咁真係妳先係重點啦阿悅!」我用食指指著阿悅

「嘻嘻,今日送水比你飲既女仔係我朋友個家姐,送水女仔同你同一級我諗你知啦。」

「下.....妳唔講我真係唔知喎......」

阿悅一面無奈地看著我......



「有無搞錯呀,就算唔同班有時經過其他班既班房都望下呀.....咁都唔知同級.....」

「咁我無妳咁八掛,點會無啦啦望人班房啊!」

「唉~ 算啦算啦依個唔係重點,我個fd話佢家姐一直都好注意你,,不過佢知道你係萬人迷佢份人又怕羞所以唔敢主動同你講野。」

「咁點解今次佢又敢主動呢?」我一臉疑惑

「因為佢細妹同我推佢出黎送水比你囉,你應該要多謝我添呀,唉比阿儀知道你連同級都唔知,佢一定好失望。」

「阿儀,阿儀,怕怕羞羞咁都幾得意,我睇下有無機會聊下佢講野啦~」

「佢聽日放學應該都會送水比你,到時我地兩個都會係側邊睇住~~」

阿悅說完就跟阿康一起離開我的房間,我躺在床上思考了一會兒就睡著了。