那一年中學last day,我搶左支咪同個女仔表白: 第三節:青梅竹馬
「走開啊,走開啊!!!我唔准你地再蝦阿恆!!!」
我面前的小女孩拿著一條小木棍不斷胡亂拍打地下。
欺負我的小孩被這位小女孩嚇得紛紛撤退。
這時小女孩才鬆一口氣把木棍掉到一旁,再拍拍雙手伸手拖起我:
「你男仔黎架點可以我孱弱架,下次比啲自信自己打番佢地轉頭。」
年紀少少就懂這些大道理,我真的很佩服她,但我沒有說到出口,繼續保持沉默。
「你無整親就得啦,我走先啦,bye bye。」
我低著頭沒有任何回應,小女孩亦懶得理會我,走出了公園。
或許就是因為這個童年往事,造就了今天自尊心極強的我。
弟弟阿康和妹妹阿悅離開我的房間後,我沉思了很久都不知道到底跟送水女孩阿儀說什麼好......
平常的我不開口已經有很多女生走來跟我搭訕,但這次是例外;我外表豪爽,其實內裡害羞~~~
我拿起手機,打開熟悉的聯絡人名單,快速地找到她的別名:
「嘟嘟~~嘟嘟~~嘟嘟~~~喂,又比人蝦啊,恆仔??」
聽到她的聲音總會令到我感到萬分的安心,這份感覺由小時候到現在都沒有改變。
「阿敏姐,係都係我蝦番人轉頭啦,你估我仲似以前咩!喂 唔好講依啲住,有啲緊要野問妳。」
{阿敏係同我由細識到大既女仔,無論我有咩唔開心我都可以盡情同佢講,佢亦都非常了解我}
「有咩咁緊要咁夜都仲打比我,十成九為女啦。」
[我就係鐘意阿敏咁直接同知我心,差唔多每一次我有煩惱佢都一下就中point]
「咁我長話短說啦,同一個岩岩識又怕羞既女仔可以講咩開話題呢?」
「唔.........如果係一個怕羞既女仔但係又同你有接觸既話,我諗你講咩佢都會接到落去。」
雖然阿敏說了等於沒有說一樣,但的確害羞的女孩正常都沒有勇氣去做一件他想做的事情,尤其是對著男仔。
「如果係岩岩識既話就問下佢有咩興趣啦?依個問題最保險。」阿敏見我沒有聲氣就給了一個建議我
「好啦,我試下啦,唔該哂妳敏姐!」
「得左既話記住請我食飯呀,同埋......都係無野啦,有進展就聯絡我啦。」
「得左先算啦,係咁先bye。」
[岩岩阿敏想講咩呢?算啦應該都唔太重要,好期待聽日放學~~]