剛剛我應該果斷地答他,而不是支吾以對。

令我猶疑的原因,是因為我真的不是太討厭當女人。

就算我想成為男人,也不是因為我想當男人。

我只是想當海欣的情人。

初稚的原因,魯莽的決定,卻是我的最後希望。



即使是微乎其微的曙光,對於在谷底茍且偷生的人來說,怎樣都會伸手去摸吧。

「鍾意定唔鍾意?」王偉明低聲問道。

當女人辛苦,但當女人有時候也不錯。可以撒嬌,可以軟弱,還可以用身體來換取著數。唯獨是不可以與你結婚。

「唔鍾意。好唔鍾意。」我堅定地回答。

「明白明白。」他點一點頭。



「你明?」你真的明白我的痛苦嗎醫生?你根本沒有經歷過,你無法想像那種煎熬。

「我無辦法同你有同樣既經歷,但我會盡力去理解,就算理解唔到,我都會同你一齊面對,一齊諗方法解決。」

我聽得出這是他的真心說話,他是個好醫生。正因為他是好醫生,我並不想欺騙他。

「多謝你。」我真心感激他。

「我知道你想搵錢快啲做手術,但係有啲野係急唔黎,而且我地都會擔心病人安全,如果進度理想既話你好快可以排期,大約一年後做手術,但係如果你真係好趕既話就要當私家症處理,會收得貴好多。醫院資源有限,希望你明白。」



「我明白…但係一年我真係未必等到。」海欣的婚禮訂在半年之後。

「或者我同你諗下其他方法令你無咁唔自在啦?」

「嗯。」唯一的方法就是令海欣回到我身邊。

「咁如果你RLE無咩特別問題,我地就可以考慮開始HRT,不過都要繼續用男性既身份生活,廁所果方面我都明白有少少尷尬,或者你試下入廁格?同埋記得要帶住我比你果張證明書,有人質疑你就比佢地就得架啦。」王偉明用筆把HRT三個英文字母圈了起來。

「呢樣我都明白,我都想盡快可以用真正既男人身體生活,我會聽你既專業指引去做。」

「HRT,其實姐係注射男性荷爾蒙睾丸酮,賀爾蒙補充劑可以影響肝腎功能,有部份人用藥以後會出現肥胖、頭痛、容易疲倦、情緒反覆等副作用,所以你一定要經常留意身體的變化。」

「其實係咪一定要食架?」

「開始食之後身體狀況會更加趨向同接近同你而家相反既性別,應該可以幫助你減輕對性別認同既不安,亦係做手術之前既重要步驟。你係咪有咩特別擔心既地方?」



「我可唔可以諗一諗先。」我閉上雙眼,深深呼了一口氣。