【少甜，非甜故】為左變性，我唯有做雞。: 第二章 診 (9)

如果我踏出了這一步，可能就永遠都回不了頭。

明明之前都做好了心理準備，現在真實面對的時候我卻有所猶疑。

是我不夠愛你嗎？還是我心底裡知道無論怎樣做也無補於事？

「而家決定唔到都唔緊要，你可以下次覆診先開始HRT。最緊要既都係顧及自己感受，一步一步慢慢黎。」

「但係咁會唔會拖慢左我排期既進度？」我緊張地問題。



「如果你係跟公家症既話當然會，私家條隊既話有錢就好快搞掂，但係都係果句，最重要都係睇你接唔接受到。」

「我會盡快搵足夠既錢架啦。」

「雖然有錢可以加快，但係如果你連HRT都抗拒既話，就算有錢都好，我絕對唔建議你急住做手街，因為呢個係不可逆轉既變性手術。」

「我可唔可以兩日後覆你？」

「呢度係政府醫院，一般要等下次覆診先可以既。不過……」



「不過點呀？」

「呢個係我手提電話號碼，覆診前如果你有左決定既話就call我啦。」他在我的覆診紙上寫了一串數字。

「多謝你呀。王醫生，我仲有一個問題。」

「問啦。」他嘴角微微上揚。

「有無咩方法我可以趕得切半年之內向公立醫院做手術？」



「如果我地覺得病人有急切需要，例如唔盡快做變性會對佢帶黎嚴重既問題，都有可能會排到快隊既。但係…」

「但係？」我最討厭別人賣關子。

「但係你情況並未差到果個程度，而且並唔係我一個人就話到事，呢啲特別個案要比其他醫生一齊評估。」他聳一聳肩，苦笑道。

「我明白啦，多謝你……係啦，點解你對我咁好既？」

他一臉愕然，兩秒後才慢慢開口：「因為你係我病人囉。」

說謊的經驗告訴我，他在說謊。