【少甜，非甜故】為左變性，我唯有做雞。: 第三章 海 (1)

「………」我只能聽見斷斷續續的抽泣聲。

「海欣，係咪海欣呀？」

「嗚…嗚嗚…」我肯定話筒的另一端便是她。

以往有什麼傷心欲絕的事時，海欣便會打電話來哭訴，有時齋哭不訴，最長的那次足足哭了一小時也沒說過一句話。

當然，分手後便沒有再試過了。



「我係到呀，你想講又得，喊都得。」

「林恩兒……」

「係。」

「你係邊到呀？」

「不如你話我聽你係邊到？」身子開始有點冷，我乾脆直接穿上外套。



「老地方。」

「係咪有事唔開心呀？」我明知故問。

「嗯……」

「你唔好走開，我好快到。」

「知道……」



現在已經入黑，一個女生留在人跡罕至的地方本來已經很危險，海欣還要是個比我更吸睛的惹火尤物，我又怎能不擔心？

我望著鏡中可笑的自己，擁腫的大褸藏不著光溜溜的身子，更藏不了空洞的眼神與軀殼。

其實我又何必為自己找個借口呢？可以見到海欣，我求之不得。

真可笑啊。

「咁一陣見啦，你自己小心啲。」

「知道啦，長氣。」

「有咩打比我啦，拜拜。」

「拜拜。」



匆忙中我沒有忘掉肥肥與白白，牠們遠遠看到魚糧已是雀躍得很。

「今晩唔知見唔見啦，你兩個要乖乖地。」

穿回剛剛脫下的衣服，我在街口截了一輛的士。

「小姐，請問去邊到？」

「伊莉莎伯醫院吖唔該。」