弊家伙，閻羅王唔見左!: (二十七)

(二十七)
我也不好意思再取笑史努比，讓他獨個兒瑟縮一角，好讓心情平伏。

就這樣子，我們三人呆等了兩小時，好不容易才等到洛仔所化身的花貓回來。洛仔十分盡責，還沒有變回人形，便以貓的姿態滔滔不絕地報告，看上去十分滑稽。

洛仔負責的是尖沙嘴的場子，他報告得很詳盡，很多細節的資訊都十分有用，不過只是對掃場子而言，對找出大三元的看風方法沒有太大幫助。

此時，細心的史努比道:「洛仔，你隻後腳流緊血喎!」

洛仔看了一眼，道:「哦，頭先走果陣比門口隻狗抓左下，好小事姐!修補下可以用得番，無謂哂Vinci心機啦!」





我白了牛五和史努比一眼，道:「你地學下人，錫住啲野黎用啦!」

洛仔繼續道:「你地呢?有冇咩發現?」

牛五尷尬地把自己的窩囊的經歷說多一遍，當然這個被滅蚊器秒殺的報告，對找出大三元的看風方法亦沒有太大幫助。

史努比把自己被狗公霸王硬上弓的事再說一遍，本來以為只是讓洛仔聽聽、笑笑罷了，但想不到洛仔竟聽得很認真，似乎已找出點蛛絲馬跡來。

牛五打趣說:「洛仔，你聽得咁入神做咩?又想被人擒呀?」





洛仔笑罵道:「妖，你食屎啦!唔講住，我出出去確認啲野!」，說罷便從窗口跳出去。

大概半小時後，我的手提電話響起了，螢幕上的來電顯示是「私人號碼」，心裡暗想一定是廣告電話。

「唔洗啦，唔該!」，我按下接聽鍵道。

「喂，洛仔呀!」，電話的聲音把我嚇了一跳。

我奇怪道:「喂，你點打電話架?」





洛仔不耐煩地道:「咪入過一蚊銀入去打比你囉!依家即刻黎觀塘大三元個淫K場啦!」

我驚道:「觀塘?你一隻貓點去觀塘?」

洛仔的耐性也快到極限，道:「搭地鐵囉，快啦!我應該知佢地係點睇水啦!」，說罷便把電話掛掉。

雖然有點一頭霧水，但洛仔的說話我馬上照辦，拉著史努比和牛五，乘上了警車往觀塘出發去。

二十分鐘後，我才一打開車門準備下車之際，一隻花貓立即跳進來，雀躍地叫著。史努比摸摸後腦道:「唔記得左講，阿凡達之術仲有個缺點，就係身份危機，用得太耐會開始分唔清自己係人類定係納美人!」

花貓邊發出呼嚕聲，邊在我大腿上撒嬌，道:「喵，我知道啦!我知道啦!喵…….」

我輕撫著洛仔的下巴，道:「洛仔乖，冷靜啲話我知究竟咩事?」





花貓以出享受的樣子道:「喵，係狗呀，佢地每個場都有隻狗看門口呀!隻狗一聞到人和組成員嘅味道就會吠，大三元啲人聽到就即刻散水!貓貓頭先親眼見到架!喵!」

我恍然大悟道:「唔怪得之啦，果日史努比單拖黎都嚇到佢地雞飛狗走，因為佢地根本唔知有幾多人和組成員黎，亦都唔知黎嘅目的，淨係知有人和組成員喺附近!」

史努比搖頭道:「冇理由，唔通佢訓練到每隻狗都記得哂四十幾人嘅味道?」

花貓望著牛五道:「唔洗，一種就得，一種極為濃烈、所有人和組成員都沾染左嘅味道!」