弊家伙，閻羅王唔見左!: (二十八)

(二十八)
我們馬上回到警署向九叔報告調查結果，九叔氣得指著牛五的鼻子道:「牛五呀牛五，鑊鑊都關你事，我點保你呀?」

牛五懊悔地道:「吽，九叔，俾多次機會我啦!我以後戒食紅雙喜，改食齋啦，仲有一日沖十次涼!」

縱使九叔對牛五很不滿，但由於已查明原委，總算可放下心頭大石，故沒有怎樣為難牛五。

接著的兩個星期裡，人和組並沒有向大三元的場子作出任何行動，一來不欲打草驚蛇，二來有比掃場子更重要的事要處理。

自上次海洋公園的行動後，大三元應該已經跟「魅」的殺手成功接洽，但過去的一個月內，整個地府都可說是風平浪靜，這反而讓九叔很不安，總覺得大三元正在計劃甚麼似的。





今晚，九叔終於決定要作出行動了。會議室內，九叔自信地道:「收到線報，指大三元三個大佬同「魅」正藏身喺西貢嘅一間豪宅入面，據報間豪宅係華力集團旗下嘅物業!」

又是陳清心，她到底在整件事中扮演甚麼角色?

「Team A負責同交通部嘅同事一齊封鎖附近嘅交通，Team B負責扼守大宅嘅三個出口，以防目標人物突圍，Team C就負責潛入大宅，如果直接隸捕到目標人物就最理想，唔得就趕佢地去側門，Team B會包抄。自己跟邊Team就睇番Memo!」

我一看名單，發覺自己跟史努比是Team C，隊伍內還有牛五、洛仔、小道童和白糖糕這些老熟人，領頭的是九叔。

我小聲地跟已打回人形的洛仔道:「點睇Team C都最危險啦，次次啲惡啃野都有我地份嘅!成日搵我地笨!」





洛仔嘆道「唉，鬼叫我地拍住個咁打得嘅咩!有咩事我都係指意牛五架咋!」

我心裡暗喜，幸好我們家的史努比還挺可靠的!牛五?嘿，洛仔你還是自求多福吧!

警車內，好戰成性的牛五正在抹他的三叉戟，小道童則看著最新的One Piece漫畫，大家都表現得很輕鬆，似乎只有我跟洛仔在戰戰兢兢。

我忍不住問道:「九叔，點解淨係得我地七條友殺入去，留其他手足係出邊守住?人多好辦事喎!」

九叔搖頭道:「話就話大家都係Level 3嘅鬼，不過完全唔同層次，話哂係『魅』喎，其他手足黎埋都係送死!我叫左佢地有唔好硬碰架啦，最緊要留番條命仔!」





我嚇得道:「屌，咁撚危險，你仲叫我上?!」

九叔揮手道:「洗咩擔心，有史努比嘛!你企埋一邊得架啦!」

我請求道:「咁不如掉我去Team B，唔好，掉Team C啦!反正史努比都搞得掂啦!」

九叔搖搖食指道:「你要對自己有信心，你同牛五打都唔一定輸比佢。喺呢個驅魔捉鬼嘅世界入面，其實有好多唔同流派。我自己就茅山派同符籙派雙修，玄武童子就係六壬神功果派，白糖糕就練奇門遁甲嘅!捉鬼呢家野好多方法嘅，唔一家用咒術、畫符、耍桃木劍嘅!」

我問道:「咁我修咩好?」

九叔一字一字道:「道具流!」