公司為左方便我出外同客戶傾談工事, 所以就特意提供左一部公司車黎比我用, 呢一晚, 我同客戶討論完細節之後, 客戶居然帶我上左一間日式卡拉 OK 夜總會去消遣, 客戶老細同我講, 「張生, 睇黎個項目啲進度都尚算唔錯, 不過我地做野還做野, 收工之後點都要 relax 一吓架嗎, Candy 媽, 幫我帶個女仔入黎陪吓呢位張生唱吓歌, 係呢,  Elaine 佢今晚有無番工呀? 我已經幾次上黎都見佢唔倒架嘞!」 

隔左一陣, 叩門聲響起, 媽媽帶左兩個女仔入黎, 「Elaine, 何老板話好掛住妳呀, 妳快啲埋去陪吓何老板先啦, Anna, 呢位係張生, 一陣妳要落力啲咁陪張生傾吓偈呀, 好嘞, 你地再有啲咩需要嘅先至嗌我入黎啦, 今晚啲酒水就由我黎簽比何生就得架嘞, 好嘞, 唔阻兩位老細開心, 我而家出黎去做野先嘞!」

媽媽出左去之後, 何生就已經開始攬住呢個 Elaine 黎馨馨我我咁, 但另外果二人嘅氣氛就有啲特別, 皆因而家企響我面前嘅 Anna, 其實佢就係我已經分左手嘅女友…淑嫻, 淑嫻面上正濃妝豔抹同一身低胸短裙嘅裝扮咁, 而佢亦都估唔到今晚居然會響呢啲種地方度同我相遇, 我地仲係響度呆呆咁對望住。
 
何老板正催促住淑嫻, 「喂, 妳仲唔快啲埋去坐低, 張生你都唔使客氣架, 呢度啲女仔好玩得架, 你睇, Elaine 佢最鍾意就係揸住我下面支咪黎唱歌, 蝦妳個衰女包吖, 妳係咪走左去日本隆胸呀? 做咩妳對波仔好似大左咁多咁嘅? 唔得, 今晚我點都要同妳出去做吓身體檢查先至準比妳走!」

淑嫻開始緩緩咁埋黎坐低, 跟住佢就手震震咁開始攞起枱面支酒黎幫我斟住, 淑嫻正吞吞吐吐咁同我講, 「呢位…老細, 我…叫做…Anna..」 淑嫻索左一吓鼻之後, 跟住佢再嚥住喉咁繼續同我講, 「老細, 我同你..飲左杯飲先…黎….我先飲為敬…」 淑嫻攞住杯酒好快咁就一飲而盡, 跟住見佢再繼續斟住酒, 然後又想再繼續自隊嘅時候….., 我緊捉住佢隻手, 然後再皺住眉頭咁向佢輕輕搖住頭, 淑嫻眼角正流住眼淚咁望住我。 





呢晚, 淑嫻靜靜咁坐響我嘅身邊, 而我就獨自一人咁飲住悶酒, 對面何老板同個公關小姐就正旁約無人咁響度攬埋住一舊, 已經到左十二點幾鐘, 已醉醉地嘅何老板似乎想要同個女公關出街再另有下文咁, 「張生點呀? 你果件女啱唔啱使啫? 啱嘅話咁我就同你埋埋個街鐘佢, 跟住我地就帶埋啲靚女一齊出去再開心一吓, 你唔使同我客氣架, Candy 媽, 叫啲女去準備一吓換衫出街, 一陣我地要一齊出去宵夜同直落呀!」

出到門外, 我同何老板正分道揚鑣咁各自離去, 何老板走左之後, 剩番淑嫻同我就正呆呆咁企左響門口之處, 淑嫻正有神無氣咁同我講, 「老細, 我地…而家…去邊間…酒店…度做呀…?」 聽倒淑嫻咁講我個心就好唔舒服, 「淑嫻, 話比我知, 到底點解妳要咁做呀?」 內心一陣陣刺痛嘅感覺正湧現住, 眼前嘅係我曾經深愛過嘅舊女友, 雖然我地已經分左手一排, 但勢估唔到今日我居然要埋佢街鐘咁企左響呢度, 到底點解會有啲咁嘅事架?

我地仲係響度企住, 但淑嫻就再開口同我講, 「老細, 咁我地究竟去唔去做呀?」 「去, 不過係我揸車送妳番去屋企度!」 車上, 我地兩個都無言以對, 到左屋村停車場之後, 我部車都未曾停定同泊好, 淑嫻就已經打開車門落車飛奔而去, 我望住佢個背影遠去, 個心真係嗱住嗱住咁, 我緊握住呔盤自言自語, 「淑嫻, 到底點解妳會變成咁樣架?」
 
第十九章圖述
 

 




淑嫻的轉變令到偉倫內心刺痛著