「你會娶我嗎？」: 「我想去碼頭行下，你可以陪下我去嗎？有冇時間？」

「喂，阿潮，陸運會你報左d咩？」
 
「屌，報咩鳩丫，練又冇練，又要比個濕鳩社長點左去搞其他野，日日都唔得閒，屌，書都冇咩點溫，正仆街。」
 
「算啦，你食老本啦﹗」
 
「屎就有撚得食，唔講，走先。」
 
統測在10月尾完成，11月又要埋首準備12月頭的陸運會，自己不是校中運動風頭躉，只是志在參與，湊足人腳去接力，最快未到你，又總是入到決賽，細個時唔識諗都為此sad 撚左幾日。
 


與過去5年不同，今年陸運會要做prefect周鳩圍巡來巡去之外，仲要搞自己個社d工作，包括整banner，諗口號，同埋整啦啦球，真是好撚on 9 的，一大班人在庇護工場，頭dup dup，用把梳將d尼龍繩梳散，之後札埋一齊，仲會有d人自以為散梳得散d，幼細d去屌鳩其他人，呢個工種頓時令我無撚哂霸氣。由於我的屬社是籃色，所以身上灰色冷衫上總是痴滿一條條籃色的尼龍絲。同時我的手作工夫極之粗劣，沒有修讀美術同學般的巧手，因此我找了一個自己最擅長的崗位，跑腿，既不用做埋d on 9 野之外，又可以唔比人話偷懶，爽皮。
 
今天我們又要「留堂」為陸運會ot，接過濕鳩社長的購物清單，到附近商場的文具鋪掃貨，有時我更會回家食d野，再去買物資，我可以大條道理講「我返屋企摷下有冇先」，學校同屋企只有一條馬路之隔的好處。
 
「喂，阿潮，近來做咩唔留響學校打波呀？」
 
「唔啦，要搞sport day d野，仲要出去買野，搞埋快走，今晚去新屯打好過啦。」
 
由中一開始，我就養成一個習慣，就是放學後會馬上回家，食野、沖涼，甚至來一個晏覺，絕少在學校內逗留。我唔明有D同學放左學好鍾意響學校hea，對不起當年應該仲未有「hea」呢個term。
 


買完所需物資，正在回校途中盤算今次用咩藉口「 鬆人」之際，我看見了她，周念慈。她正與一名穿鄰校校服的男子在對話，但看了多年TVB劇集的我，知道他們應該在「講數」。
 
八卦是人類的本質，我行前了幾步，希望睇得更清楚但又要唔比人一種多鳩事感覺，實在困難。
 
「你咪再煩我」當我經過二人身邊時只聽到一句。
 
「你走啦」之後是第二句。
 
「我地玩完啦」第三句。
 


其實我已經放慢腳步，希望聽到更多，真是好想停低去聽下佢地仲會講d 咩。我承認我份人好八卦，如果十級是最高，我都應屬於九級半。
 
突然，女的突踩油門，急步走回學校，更已經越過了我呢個花生友，男的亦抽了兩鞭，試圖作出突圍，不幸的是，在過程中撞到我，個人主觀認為他是無心的。兩人在不足50米的小路上拉扯了幾次，最終女的先過終點，同時一支箭咁跑番入學校。
 
食完花生，我先至慢步行番學校，睇到男的神情落幕，好似一隻戰敗公雞，響學校門外巡來巡去，希望再次等待女的離開學校。可惜是，其實我學校是有後門離開的。
 
「喂，你無事丫ma」我將物資交了比創作部d同學，正準備拍拍籮友之際，我見到佢響女廁行出來。
 
「無，有咩事？你覺得我有事？」又一個不失霸氣的回覆，但明顯氣焰下降。
 
「ok u win」我都無打算同佢爭辯。
 
「無事就得啦，拜拜」
 
「喂，陪我走，可唔可以？」


 
「er」
 
「你唔得閒就算啦。」
 
「都得，去輕鐵站？行後門啦，佢應該仲響正門等緊你。」
 
「唔」當時她一句聲都無出，
 
我地經由後門離開學校，因為出於好奇，我同佢都好有默契咁偷望番正門，真係見到有人在等她。
 
「危險，速逃」黎明廣告金句，阿may話比我地知附近有危險。
 
「好野車到，快d上車啦，如果佢追到上來就仆街lu」
 


「我想去碼頭行下，你可以陪下我去嗎？有冇時間？」
 
「喂，唔好咁down啦，你冇事丫ma，好啦，同你去啦」其實佢無左串串貢的態度，反而有d不習慣。
 
「我想行過去，唔搭輕鐵。」
 
「好呀，無問題。」我也奇怪自己會如此「順德人」。