「你會娶我嗎？」: MERRY X’MAS

「阿潮，你仲唔走？」曾慧慈， 我班的另一位女同學。
 
「未啦，趁仲有D態，溫多陣先啦。」
 
「哈，識左你六年都唔覺你咁勤力。」
 
「唉，我無你地咁聰明，唯有勤力D。」
 
「哈，咁你唔好溫太耐了，係呢今日係平安夜，你無地方去咩？」
 


「你係唔係想約我？我要問下媽咪比唔比先。」純粹鳩UP。
 
「我男朋友已經去出面等我LU，係播，你個中三小妹妹呢？有人話你地陸運會次後去左食PIZZA HUT播。」
 
「吓？周詠琳個妹？食下飯姐，無咩特別。」
 
「又唔見你約下我？」
 
「妖，你走啦，又話男友等緊你。」
 


「喂，係就快D行動啦，話哂佢都係一個靚女。走啦，聖誕快樂。」
 
「唔及你靚，BYE，MERRY X’MAS」
 
曾慧慈的一番話，令我想起自從那晚，已經差不多有兩個星期沒有同周念慈電話聯絡。在學校亦少了碰面，可能她又開始了一段新戀情了，始終少女情懷總是絲。
 
 
「喂，邊位」
 
「喂，游邦潮，你做緊咩？」


 
「哦，剛返屋企，找我咩事？」
 
「你無出街？」
 
「唉，我大時大節唔喜歡同人迫，又捱唔到眼訓，你呢？」
 
「祝你聖誕節快樂，學業進步。」
 
「係播，今晚平安夜，咁我都祝你身體健康，事事順暢。」
 
「咦，點解你好似過年咁嫁」
 
「都係祝福一句姐，同埋健康係最重要，無健康做咩都唔得啦，係咪？」
 


「喂，你覺得我好唔好？」話題一個180度大轉向。
「吓？」
 
「係呀，你覺得我份人點﹖」
 
「哈，因咩咁問？其實我對你了解不多。」當時我極為率直。
 
「咁你會選擇我個女朋友嗎？」
 
「吓？」
 
「女朋友呀？你會揀我嗎？」
 
「做咩無啦啦咁問，你無事丫ma？」
 


「你快d答我先」
 
「應該……唔會……卦，喂，你無事丫ma？」
 
「而家我好差咩？」
 
「咁又係，只係真係突然之間咁問，真係唔知點應你好，你家姐呢？你叫佢開解下你啦。」
 
「無野lu」咁就收左線，當時果一刻我真係比唔到反應，同埋真係有d 累，所以我最終都沒有打番比佢，上床休息了。
 
「果個law，咪果個law」
 
「係咩？係佢咩？」
 
「係呀，一定係佢，果次響pizza hut 見到佢兩個。」


 
「唔似播，係唔係呀？」
 
近來成日被同學指指點點，應該係一埋低form女生，特別是中三的那一群，原因是甚麼，我想也估到3至4成，除了同學之間的緋聞，相信我不會成為她們之間的話題。
 
也許這是她這段時間沒有找我的原因。
 
這天，我終於在校內有一個與她單獨對話的機會。