當你暗戀嘅人突然消失: 第一章

暗戀人嘅感覺係好突然，感覺都黎得好快，一個句野，甚至係一個眼神，暗戀嘅感覺好正，尤其是個D若有若無嘅感覺，可能本人係山羊座啦，有D偏愛暗戀咁，加上又有D內向咁，所以有兄弟問我點解唔實實在在咁去追個女仔，我都唔係好答到佢。而呢個兄弟都識左三年架啦，初初識都玩得幾埋，我俾人杯都係得佢陪住我，而呢個兄弟就叫呀六，個名嘅由來我都唔知，亦都冇問啦，佢個人冇咩點，就係冇咩優點咁啦，都係個成Q日話冇女嘅人黎，所以傾計開口埋口都講女架啦。
我：「喂，近排又睇中邊個呀。」
呀六：「冇呀，邊有咁多女睇得中呀！」
我：「你會有咁嘅一日架咩。」
呀六：「講呢D，咁你呢，Ron少！」
我：「冇呀，唔講咁白啦，你明嘅！」
呀六：「斷估唔係我地班個兩件野其中一件掛」
我：「嗱，唔好件件聲咁喎。」
係呢一刻佢即刻就知係邊個，果然係兄弟。