當你暗戀嘅人突然消失: 第二章

呀六：「都估到架啦，明明唔同班，又見近排你地玩得咁埋。」

我：「知我者莫若你也！」

呀六：「所以我有次問過佢，係咪同你一齊左。」
呢一刻，我靜左，跟住紅都面哂咁呆左咁望住呀六。

大家對望左一陣，我開口講左句野
我：「屌你個奶，真係想攞碌核彈，塞住你個口！」





跟住我諗左一諗
我：「咪住，你問完佢咩反應？」
好興奮咁樣問佢

呀六：「你唔係以為我會答你，佢都紅都面哂掛，冇答我。」

呀六：「傻豬黎嘅，佢梗係「吓」左一聲啦，但跟住就講左句野嘅，but，自己諗啦。」
呀六個樣得戚到，真係想一拳就打碎佢頭蓋骨，但當然冇啦，咁易俾佢死益左佢！

可能我個人比較負面，諗親都唔係好野黎，費事傷自己心，所以都冇估到嚕。





我地傾左成個小息後，就翻班房了，因為我地唔同班，我C班，呀六就D班，兩個成積都差到一個點，所以平時上堂時間都戇居居咁，但今日我就唔同啦，有野諗了，我話唔估唧，可以諗架嘛，反正我又唔知答案，又唔會傷到自己嘅，掛？