當你暗戀嘅人突然消失: 第三章

諗左成日，咩都夠哂啦，開心又有，整到自己頹嘅諗法又有，最後反正都唔會知道個答案。

我：「打柒佢，打柒佢。」
呀六：「屌，唔夠跑速呀，點追。」
我：「咁都追唔到佢，含蕉啦，又放走個人，你咁廢架。」
呀六：「屌你，又唔追埋一份，係到農兵，中國農業百廢待興，你唔翻上去農，抵你溝唔到女！」
我：「屌你呀，講呢D！」
突然靜左一靜，呀六突然講野好正經
呀六：「認真mod，點呀你，同佢咩地步呀。」
係呢個時候我地都突然抽離左lol，係到農。




我：「冇呀，可以點唧，咪傾下計咁囉。」
我地繼續A尻D兵
呀六：「你咁落去唔掂架喎，你知你架啦，成日講到暗戀好正咁，食蕉啦，邊有人係唔想同自己鍾意嘅人一齊架，你自己根本就頹到傻咁制，先唔講之前個D所謂嘅「暗戀」，睇你而家個feel，你對呢個所謂嘅「暗戀」對象係認真架，之前你暗戀邊個都未曾比過咁嘅感覺我嘅，你係真係鍾意佢架，你唔好再同自己講佢幸福就夠啦，想俾幸福佢嘅明明係你，而家就係到俾埋D咁嘅假說話俾自己聽，你係認真嘅，你就去追佢啦，都係個句啦，你D想法真係好不知所謂，唔好再呃自己啦，我可以好肯定同你講，你今次放棄，你一定好後悔。」
呀六好語重心長咁繼續講，我就靜左咁一直係到聽。
呀六：「你呃到自己個腦，你呃唔到自己個心，你D情緒完全係俾佢帶到嘅，你夠薑話你只係想佢幸福就夠咩，唔好係到尻諗啦，摩咩羯咩座係咁喎，收皮啦，你就只係不斷俾藉口自己，我都唔知你怕咩，你以為自己好清楚自己，但根本就唔明自己，一句講哂你就係怕，怕冇朋友做，怕尷尬，食屎啦，但次次傷得最重嘅就係你自己，係你嘅後悔傷到你最痛，搞到日日就係不斷咁頹，頹幫到咩呀，不知所謂。」
我眼開始濕，我第一次俾佢鬧，但係得佢鬧得我咁岩，果然係好兄弟。
呀六：「自己諗啦。」
講完之後佢就熄左聊聊
場game 都輸左，但我知道今次我唔可以再輸，唔可以輸係自己嘅怕到！





臨訓前，我wts呀六，send左「THX！！」俾佢，佢都send翻個💪🏻俾我。之後我就去左訓覺嚕，但訓前都亂諗左陣，但都係D不知所謂嘅野。