女神,不論你係咩人,咩時候,咩地點,總會有一個係你內心深心處。
 
而女神呢種神聖不可侵犯既物體,我會認為,佢比初戀情人印象更深,更刻骨銘心。
 
點解我會咁認為?
 
因為,就算個頭開得有幾咁柒,個尾埋得有幾咁爛(突然諗起富奸條仆街),講到尾初戀始終都係曾經擁有,曾經在手。
 
但女神呢架野,就真令你欲罷不能!
 




係女神面前,你唔好理我係步兵、水兵、騎兵、弓兵、弓騎兵、空降兵...咩兵種都好啦!我都只不過係一隻兵!
 
試問係呢個世上,又有幾多隻兵食到娘娘既蟠桃?飲到娘娘既甘露?
 
正所謂,得不到,永遠是最好。真係唔知邊鬼個講,但又真係講得好岩...
 
女神,你永遠都食唔到...所以,永遠都係你內心最頂住頂住既一個遺憾...
 
關於女神既定義,網上真係有海量咁多文可以參考,所以,我亦無謂獻醜啦。
 




至於講到我人生第一個女神係由幾時出現,就要細數到小學三年級,一個早上...
 
嗱,你或者會話:「屌你咩,三年級八歲都唔夠,機都起唔到啦!仲講咩女神呀?腐皮上一頁。」
 
咁諗你就錯啦。我可以話俾你知,一個小學三年級既男仔已經會偷偷地扮天真,扮無知摸下Miss屁股,而且開始吱隔離個女同學。
點解我會知?因為我都係咁...當然無咁大膽啦~
 
但其實吱呢種行為已經係一種挑逗!
 
你諗清楚,你女朋友最敏感既部位,係唔係又怕俾人掂到,但又係最易搞到出水先?




 
講到呢道,甜我就唔加架啦,兒童色情好大罪,你俾糖我,我都唔會呢個時候加。
 
所以請你地收返起D糖先,唔好俾糖我住...繼續講返我人生第一個女神。
 
「起立。敬禮。老...屍...早...晨...」一堆喪屍鬼叫後,大家都攤返落張檯道。
 
但我就眼甘甘咁望住出面...
 
熟悉又討厭既黑板前面企左三個人,一個係朱老師,我既女班主任,另外兩個...一男一女...
 
男既唔講住,因為我對男人真係無咩性趣,但個女仔...
 
八歲講唔上咩身材,細細個亦唔會在意咩身唔身材,只會留意個樣。
 




呢個女仔,睇佢眼大大,皮膚白到識發光,面尖尖,最殺食係佢果把要係陽光下先能夠散發出一絲絲深啡色髮絲...
 
我肯定,有D鬼鬼地既佢,應該係...混血兒!
 
而呢一刻,我可以好有自信咁講一句,女神!命運既相遇要我上硬妳!
 
講真句,宜家既我都唔知點解當初人仔細細會有咁既自信...
 
「今日要介紹兩位新同學,呢位係廣香香...」Miss豬指一指女神。
 
廣香香?!
 
香香公主呀?
 
真係又夠特別!




 
到宜家,我生存係世上都好幾十年,姓奴既我都有聽過,仲要好出名添。但姓廣既就真係再無識過!
 
只係見香香怕怕羞羞咁微微一笑,點一點頭...
 
嘩!引死人咩想...
 
呢一點頭真係令我心心感受到咩叫三笑姻緣...
 
你以為咁就好幸福,咁就甜到返唔到轉頭?
 
無咁簡單...
 
正所謂緣份既野,又豈止咁簡單...
 




「廣香香,妳就坐果道啦。」Miss豬指住我隔離個空位講。
 
真係天助我也!
 
嗱,呢D咪叫酒樓點心,整定俾你食囉~
 
我心多興奮,嘴角含春笑微微。
 
當然,呢種興奮只係收藏係我心裏面。
 
我好清楚入伍前要啖定!
 
唔可以俾娘娘知你喉擒!
 
我仍然保持冷靜,面容正直!




 
當女神靜靜咁坐係我隔離,怕怕羞羞咁微微一笑,點一點頭...我打左個震...
 
太震撼啦,呢種感覺太震撼啦!
 
女神對我再微笑呀!
 
我不禁用力深呼吸,強制壓迫自己既抗奮情緒...
 
唔吸由自可,一吸差D走火...
 
原來,女仔係可以咁香~唔怪得妳會叫做香香啦女神~
 
我細味品嚐,呢種芳香...
 
清新脫俗,不帶半點土氣。
 
簡直係人間清泉!
 
當然,八歲既妹妹又污穢得去邊?
 
當我仲陶醉係芬芳既清泉入面既時候...
 
命運又點會咁如人意?
 
「李賣藝,你就坐係廣香香後面啦。」 Miss豬指住廣香香後面個空位講。
 
李賣藝一邊雙手插袋,一邊走近女神,嘴角仲帶住半點淫意...
 
當李賣藝坐定之後,我感覺到背後一涼,心中一顫...
 
我有種不祥既預感...
 
世界從次多事鳥...咁次定必仆街鳥...