<<係咪網戀都實冇幸福?!>>: 2 走上chatroom之路

話咁快就放完個暑假，又要返學喇!!
我係喺一間女校到讀書既，相信好多男仔都對女校有無限既幻想.
但其實，女校入面就真係唔係你地諗到咁多女神既..反而大部分既女仔都幾man架!
無計啦...無男仔係咩都要自己黎架喇!除此之外，當然學校入面都真係有好多TB啦.拿!唔係講笑架!有啲都真係好有型架!
好啦..都係唔好講到咁遠住.講返今日先!
唉...又要開學喇 ! 今日我都係約左我個好姐妹菲菲一齊返學.菲菲係我入到呢間學校識既第一個朋友,好好彩我地今年都繼續同班!
我 :「菲菲!行快2步啦!就遲到喇!」
菲 :「得喇得喇!洗咩咁急呀!大把人陪...」佢話都未講完，就已經比我拉住直奔向學校喇!
菲菲份人就係咁架喇，約佢10次有10次都會遲到，今日叫做係奇蹟般早左架喇!
幾經辛苦...終於都返到入課室...


菲 :「都話左唔洗跑架啦!你睇仲有大把時間呀!」
我 :「唔係得我拉住你跑，你實第一日就遲到呀!」
菲菲對住我伸一伸脷，就走左去搵我地既另一個朋友--豬女!
我會識到豬女都係因為豬女同菲菲係小學既同學，佢地一齊升到黎呢間中學，咁我又識到菲菲，慢慢我就同豬女都熟埋，所以我地三個就好似鐵三角咁!
菲 :「豬女!你做咩今日唔同我地一齊返學既?有D古怪喎!」
豬女笑咪咪咁講:「無呀!我..我..只係怕自己..唔知醒會搞到你地都遲到姐之嘛!!」
菲 :「我唔信呀!你笑到咁一定有古怪呀!你好講喇喎!嘉欣呀!佢有秘密唔同我地講呀!」
我 :「有秘密唔講呀嘛!信唔信我地...」
話口未完，我同菲菲就伸手想去除左豬女個bra! (女校係成日咁玩架啦!!)
豬女比我地整到無哂辦法:「好啦好啦!我講喇!我講喇!!!!」


佢肯講我地梗係當然停手啦!!!
豬女 :「我..我識左個男仔呀...今朝..佢陪我講住電話返學呀嘛...」
我同菲菲眼都突埋，之後就好齊咁問 :「你點識架???」
豬女 :「我..我..我係chatroom到識架!」
我:「chatroom?男仔?你拍拖呀豬女?!?!」
豬女 :「um...係呀...」
菲菲:「係點架佢!!我要睇我要睇!點樣識到架?高唔高架?靚唔靚仔架先?大過我地架?」
豬女臉都紅哂 :「um...佢都幾靚仔架...但係呢...我地未見過面架..」
我:「下!未見過面都話一齊?!!?!!!!」
豬女聽到我咁講，就即刻勁急咁話:「佢係電話到親口問我可唔可以做佢女朋友架!!!!!我地只係未見面之嘛!佢而家仲叫我做bb架!!」


菲菲:「我知我知!呢啲叫網戀呀嘛!! 嘩!好似好好玩咁喎!」
我:「真係無見過都可以中意?...真係無見過都可以話拍拖?....」
豬女:「不如你地都試下呀!」
我，菲菲:「我地都試下?!」