《咁我俾你揸，你揸唔揸？》: 7. 希望？心痛ing

「表哥，你今日返唔返到學㗎？唔好死頂啊。」凱倫嘅表妹黃妤澄問緊同喺巴士站等車嘅凱倫，至於凱倫細佬莊凱達就搶先一步話：「佢尋日都死唔去啦，今日又邊會返唔到吖。」，「我冇事，唔使擔心！」凱倫一邊安慰住妤澄，一邊緊篐住細佬凱達，而妤婷就喺度笑佢2個白痴。

學校

踏入學校冇幾耐，隨即見到映童「莊凱倫，你見點啊？有冇好返少少啊？」，「ok啦，係就係有D痛，不過冇事，唔使擔心。」凱倫微笑住答覆映童，「咁就好啦，不如今日一齊食lunch吖，順便好好咁認識吓你。」，「好啊，放lunch嗰陣喺canteen搵你。」。

過冇幾耐

「凱倫，你見點？仲係咪好痛？使唔使去圖書館休息陣先返班房？」miss Lam擔心地問，「唔使擔心，我冇咩事，痛就梗有㗎啦，不過無事嘅。」凱倫亦再次微笑住回應。





「叮叮叮叮叮」隨住早會鐘聲響起，伴隨副校長嘅招牌放送（恕我skip，好UN耳）

4C班

大家一輪咀，爭先恐後地問候凱倫嘅狀態，當中亦包括2位正副班主任。喺一陣嘈雜聲過後，班會主席呂嘉希隨即發表一個問題「嚟緊嘅繽紛歡樂節，大家想去邊度玩，依加開一開會先。」，「小欖BBQ」「去小欖不如去綠田園」「九華徑啦，咁近」，「有次上網見到有個BBQ場好似叫隱世山莊，有K場又有牌打。」達龍興致高昂地建議，「我都覺得樂田園好D，有得餵羊咩咩同兔仔。」靜怡一邊幻想餵兔仔，一邊講。「既然咁，投票啦！」嘉希見狀覺得點嘈都解決唔到問題就用投票解決，當miss Lee見到最高票數時「既然綠田園最多票數，就去綠田園啦，冇異議啦？」，然後大家就只好去綠田園了。呢個時候，達龍突然提出一個計劃「不如同埋B班去啦，多D人好玩D，而且又可以避免A班班ON…」miss Lee頓時將視線放喺達龍身上，當達龍得悉有危機時，立即轉口「傻仔嚟問我哋join唔join佢哋個plan。有咗班傻仔最憎嘅B班，我哋點都有著數d」，說畢就被嘉希㖿喻「你都係想同黃藹敏撐枱腳嘅姐。」，隨即惹來全班哄堂大笑。「OK啊，我一陣去同miss Chu ＆ miss Cheung斟斟。」副班主任miss leung說道。

經過2堂必修文科後

「叮叮叮叮叮」lunchtime鐘聲響起。





「凱倫哥哥，一齊食lunch囉？」恩樂鼓起勇氣地問，「我應承咗同羅映童食lunch啵，一係一齊食啦！」，「唔啦，咁約你聽日一齊食lunch啦，好冇？」，「咁好啦，我行先啦！」，「嗯！」，恩樂遠眺住落去canteen食lunch嘅凱倫。