《咁我俾你揸，你揸唔揸？》: 14. 名牌

喺返到班房後，「嘩Cherry，乜近排咁有米啊，成身名牌，又chanel眼鏡，又意大利名鞋，仲有Hermes書包，呢排搵到邊條筍盤啊？」達龍笑說著，「係喎，你唔講我都唔覺，Cherry你真係成身貴嘢啵～」樂樂好奇咁望住婥莉，靜怡就望住婥莉：「如果係筍盤嘅，都唔錯吖，不過要認真帶眼識人先好，唔好識咗先知條友係A班咁嘅素質至後悔啊！」，「知啦，我會帶眼識人㗎啦，而且呢D嘢係有次喺義工服務嗰陣，有個有錢仔為咗追我而一直買嚟送比我㗎，既然佢D錢洗唔晒，咁我嘛幫佢洗減D囉。😂」，喺婆婆媽媽嘅對話中，凱倫卻因為李社安而擔憂住。

「鈴鈴鈴鈴鈴鈴」

「好啦，落堂，數學選修嘅，記得下星期交數學書錢，班長。」，「起立，老師再見。」，「老師再見」，喺講完再見後，雞飛狗走。

「Cherry，一陣一齊去葵廣食嘢囉。」，「係囉，一齊去啦，順便陪吓呢個冇咗凱倫哥哥擁抱嘅poor girl啦！」，「唔喇，阿爸阿媽今媽去飲，我要去買餸煮飯比細佬食啊，下次先啦，樂樂，糖糖。」，「咁好啦，Cherry。」樂樂有D失望地攬住糖糖左手去開餐。

而凱倫就獨自去返PT





「Entschuldigen Sie!」一個外國人叫餐，「Ja.」，「Ich möchte zwei Menü A und zwei Tassen spezielle Getränke bestellen.」，「Ok, bitte warte einen Moment, und danke, dass du unser Restaurant willkommen heißt」

「豪哥，2份A餐同2杯特飲。」，「ok，3分鐘。」，「凱倫，你聽得明佢哋講咩？」泳思好奇地問，「明，佢哋講德文。」，「wow」，「得啦，以後有外國人就由你出馬啦！」，「冇問題，大家姐。」

經過幾個鐘嘅PT之後，終於收工鳥，凱倫隨即步行去戴麟趾等巴士，途中亦同童童煲吓粥。

10分鐘後，終於上咗車，然後坐喺上層左邊尾二，一邊望住熟悉嘅街景，一邊思考住點樣對抗條ON9仔，喺仲諗緊之際，隨即喺窗外見到有個女仔，擁有熟悉嘅臉龐同身影，而個女仔卻同一個阿叔喺荷里活酒店出嚟，正想再望多2望，巴士就迅速駛過。但係佢好肯定，個女仔係邊個。