《咁我俾你揸，你揸唔揸？》: 15. 重案組

星期六，喺同完童童拍拖後，凱倫隨即返PT。
「凱倫，你嚟啦！」泳思歡喜地迎接凱倫，「sorry，拍拖遲咗，哈哈！」，「唔緊要啦，好在大家姐仲未返，嘻嘻～」，「咁就好喇，我嗱嗱林入去換衫，然後接棒。」，「OK」。一換完衫，甫一出到店面，就有2個高大嘅男人走入嚟，問：「靚仔，請問紅姐喺唔喺度？」，「大家姐未返啵，有緊要事搵佢？你哋坐低等等先啦，我即刻call佢。」凱倫雖然知道大家姐有背後嘅勢力，而呢2位人兄肯定都唔係可以惹少嘅人嚟。喺call完10分鐘後，大家姐就返到嚟，而2條友異口同聲咁叫咗叫稱呼：「紅姐。」大家姐一見到兩條友就問：「有緊要事？」喺2條友點頭後就嚟手叫呢2條友入經理房，並叫凱倫斟2杯水入去。

「咯咯咯…」，「入嚟！」，「大家姐，冇咩事我出去先。」，「嗯…你留低。」，「嗯？哦！」，「紅姐，呢條友信唔信得過？」，「我嘅人，你話信唔信得過？」，「係係，信得過，信得過。」2條友頓時望去凱倫度，而凱倫卻感到周身唔聚財，反而想快D走。「講，你哋搵我有咩事？」，「係咁嘅，紅姐。總部收到國際刑警sd過嚟嘅一份關於綠色通輯令嚟，據嗰邊嘅消息話，呢個通輯犯喺原居地姦殺咗好多人，而且每逢佢到嘅地方就一定有人受害，而且同呢單case有關嘅人，無論係法官、官員、警察定家屬，都會被殺害，聽老頂話，連特首都將呢件事擺第一位，所以…」，「所以？」，「所以~想借助一吓紅姐你嘅人力去刮條友出嚟，我哋成功嘅有得賞識，你哋喺江湖上又可以增加更多威望，仲可以做吓功德，救吓人。」，「我拒絕。」，「點解拒絕啊，紅姐，事成之後，老頂話會比你哋每人10萬嘅獎金。」，「點解？你都識話啦，關事就死梗，我可不想那麼早屎，另請高就啦！」，「Errr...2位啊sir。」，「嗯？咩事，係嗱，呢單嘢係機密，唔好講出去。」，「我知啦，我係想問，你哋份情報有冇話條友依加喺邊？」，「喺新界西。」，「冇錯，所以就第一時間諗起紅姐個朵，成個新界西都幾乎聽晒你枝笛嘅，你唔幫就真係冇人幫啦。」，「凱倫，你點睇？」，「吓？我？Errr…我覺得應該叫你班馬喺每區睇實，有發現就先跟蹤同禁錮佢，再等你哋3人到場解決。」，「嗯…睇在凱倫，我幫忙。」，「多謝紅姐，多謝靚仔。」，「做咩多謝我？」，「因為，你都要幫我手搵佢出嚟。」，「唔係掛，紅姐，佢學生哥嚟咋，呢件事太危險啦，上頭都唔會比佢參與㗎。」，「你唔係話關事嘅都死梗咩？佢都已經比我拉入嚟，頭都洗濕咗，唔通叫佢等死？」大家姐一講完，2條友即刻用悽慘嘅目光望住凱倫，彷彿要拍拍凱倫手劈，並講「你真係陰公！」，至於凱倫望一望2條友，再望住大家姐心諗「屌，無啦啦惹屎上身，仆街啦，今次…」，「啊，係啦凱倫，你呢排唔好拍拖住，儘量亦唔好同你屋企人一齊，你嚟我度住一排。」，「吓？」，「係啦，既然係咁，我同老頂講，叫佢同教局長講，通知你學校話你無限期停課，你就一直喺度返住FT先啦，呢層冇問題吧，紅姐」，「嗯。」

最終，凱倫逼於無奈，就只好暫時留宿喺大家姐度。