［老人x懸疑x諷刺］我在老登討論區追尋外婆死去的真相: 讓座老人4.5

［阿伯，頭先明明見你上車果時健步如飛，而家又話自己唔坐唔得？做人唔好咁過份喎，影衰我地d老人家。］一位面善的老婆婆說道。

我和她，還有老伯在同一個車站上車。她沒有接受讓座，一直站在我旁邊。

我好像在其他地方遇過老婆婆，但確實的情況我已經忘記。

［阿婆......你講咩啊。我手又震腳又震，你夠膽話我健步如飛？］老伯裝模作樣，不知悔改。

［我明明見住你跑入黎，體能不知好過幾多後生！依家大肚婆有需要，你咪讓番個位比人囉。］





［佢有需要，唔通我冇需要啊？我滿足佢需要，咁邊個滿足我？］

［喂，你都打横黎講！你自己都有仔女架，如果大左肚果個係你個女，佢上到地鐵冇位坐，辛辛苦苦企幾個站，你會點？］

［你都識講我個女啦，佢又唔係我個女，又同我無親，點解要讓比佢？讓唔讓係我話事。］

［咁頭先讓座比你果個後生仔夠同你無親啦，你又要佢讓座？］

［阿婆，你老花定撞聾啊？你邊隻眼或者邊者耳聽到我叫個後生仔讓？係佢自己讓比我，我同佢都冇親既，不過佢讓比我，唔通我唔要咩。］伯伯理直氣壯地反駁，那個怕事的年青人裝作什麼也聽不到，埋首玩電話。





［你呢d人真係影響香港人！］婆婆孤軍作戰，我決定加入戰團。