［老人x懸疑x諷刺］我在老登討論區追尋外婆死去的真相: 讓座老人4.6

［拿！阿伯我認得你啊，岩岩我都係同你一齊上車，明明你就健步如飛，跑得快過我，突然入到黎就腳震？我死都唔信，你讓個位比人啦。］我鼓起勇氣說道。

車廂的乘客也加入戰團，聲討聲音此起彼落，初時老伯打算以一敵眾，人無恥則無敵，但慢慢發現勢色不對，雖有撤離戰場，明哲保身。

［下一站九龍塘，乘客可以轉乘觀塘線到沿途各站。］

［真係無陰公，成班人欺負一個老人家......我讓，我讓。］列車車門打開，老伯慢慢站起身，衝出車廂，奔向觀塘線。

全車廂共同見證歷史時刻，見證老伯無恥是沒有底線。





［後生仔，頭先全靠你，呢d人倚老賣老，唔鬧唔得。］婆婆語重心長地道。

其實真正的英雄是婆婆，我只是一個膽少怕事的人，最應該為孕婦挺身而出的是年青人，可是最後竟然要老人家代為發聲。

［婆婆唔好咁講，你太客氣。］我微微笑道。

［要既，依家好少後生仔好似你咁，人人為我，我為人人。］

人人為我，我為人人，我知道婆婆是誰了，只有她才會經常把人人為我，我為人人掛在嘴邊。





當然，除了短短八個字的口頭蟬，我的腦海中還有一點對於老婆婆的殘餘記憶。

［請問你係唔係張婆婆？］我以誠懇的眼神，親切的語氣問道，恐防她把我當成騙徒。

［我係......點解你知道我個名？我唔係幾認得你喎後生仔！］婆婆仔細打量了我。

我拿出與婆婆的合照，她愣住了，慢慢用力掐著照片，眼角泛起淚光。

［阿蓮.......你死得好慘。］婆婆喃喃自語。