女兵?定係朋友?: 第六章

走出升降機大堂後，看到他往對面馬路走過來。阿泳緊握手上的鎖匙扣，並把它放在身後。這時阿安的身影漸漸走近，三米、兩米、一米......
「咩事呀？特登叫我落嚟嘅。」
「我...我今日好開心呀！」
「咩事咁開心呀？」「我淨係喺你耳邊講㗎咋！」
阿泳漸漸走近阿安，這時的她早已滿臉通紅，看著阿安的臉近在眼前，女孩喘著一口又一口大氣。
「因...因為我同你...坐得又近咗...」
「坐得近咗，你就咁開心？ 」「係呀，唔...唔畀咩！」
世界宛如在一瞬間寂靜了下來，阿安目不轉睛地注視著阿泳的雙眼，彷彿要看穿她心裏的想法。她心裡小鹿亂撞得很，心裏種種的事都盡顯在臉上......
「李泳淇，你究竟係普通對我有好感，定係真係......？」
相信阿安現在十成有九成都知道發生什麼事了，明明話已經到嘴邊，但女孩還是「臨尾香」，不敢把自己心裏隱藏已久的感情說出來。




「梗係唔係啦！你係我心目中同鄧梓喬係一樣地位㗎！」
「嘩乜我嘅地位咁高㗎？好開心喎！」
「梗係啦，我只係當你普通friend咁睇咋嘛！你咪諗咁多喇。」
「哈哈...嚇死呀啱啱，差啲以為你係第二個要同我表白嘅人囉。」
仿彿一把刀插進阿泳的心臟，好痛。
「痴線啦你！冇...冇人想鍾意你呀！」
「咁都好啲，橫掂我都淨係當你係friend嚟睇。」
心在不止息地淌血，好想跑回家裏，好想好想。手裏還緊握著那個鎖匙扣，但現在已經沒有送這個東西的必要了。
「所以你落嚟淨係想同我講...你今日好開心？」
「係呀，唔畀咩？我無聊吖嘛！」




「哦..咁好啦，聽日返學再見喇，拜拜！」
「拜拜啦！」帶著微哭腔的聲音，朝對面馬路的身影揮了揮手，便衝回了升降機大堂。她坐上升降機、開啟了家裏大門、一溜煙飛撲到床上，並撲在枕頭上歇斯底里地大哭了起來.....