甘中短話（短篇集）＿閻王的憂鬱: 地府之南(８)

地府之南(８)


毒蛾和陳皮身處市長官邸的正門前方，大門設置了簡便的講台，更有一大批記者正在等候採訪。

陳皮先上前安撫等候多時的記者說：

「各位記者朋友，市長已準備好發表一篇簡短的聲明，請大家先安靜。發表完結後，定會有機會讓你們提問。」

眼看毒蛾氣定神閒，毫不著急的樣子，記者們唯有遵照陳皮的指示靜候。當記者們都安靜後，毒蛾便上前開始宣讀：





「各位記者朋友，電視前的奧民們，大家好。今日，我要係度向大家發佈一個嚴肅而又重要既聲明。大家都知道，近日有一位所謂既『學者』打住言論自由既旗號，發表左嚴重違反奧人治奧既神聖協議既言論，損害左地府、奧運地方廣大既亡魂既感情。對於呢種違法既行為，我代表奧運政府表示堅決反對。我重申，任何亡魂，包括所謂既『學者』係行使佢地既權利既時候，都必須嚴格按照奧運法律，依法辦事。對於任何企圖挑起新舊奧民矛盾，引致社會撕裂既思想同行為，我地都要堅決抵制。」

毒蛾宣讀完聲明後，記者們已在台下不斷搶著要發言。不過，陳皮並沒有隨機選出發問者，而是挑選當中較友好的。

「市長，對於呢位學者既行為，普遍市民相當憤怒。請問你會採取咩措施來避免日後有同類既事件發生呢？」第一位記者的問題仿如度身訂造地給毒蛾跟進。

「多謝你既問題。我作為奧運市長，係一定會依法辦事。我會責成執法機關，嚴肅調查呢位學者既行為或思想有無涉及煽動或者煽動他人煽動呢個社會上既矛盾。」

陳皮再指名另一位友好記者。





「市長，有消息話呢位學者背後係受到天堂既資助，先會不斷發表唱衰奧運既言論，你對呢種講法有咩回應？」

「正如我頭先講左，我地奧運政府會堅決反對任何違反奧人治奧既行為。我地會聽任何有建議性既批評，但果Ｄ為反而反，跟隨住外部勢力的說三道四，為左達到自己既政治目的，勾結外部勢力唱衰奧運既亡魂。我可以好肯定話比大家聽，呢Ｄ反地府反奧運，企圖將奧運變成獨立或者半獨立既政治實體既行為係絕對唔會得逞！」

利用記者會宣示立場的目的已達，陳皮正好要宣佈完結說：

「時間已經差唔多，市長請先行離開．．．」

但未獲邀請發問的眾多記者包圍著講台附近，不讓毒蛾離開，繼續質問說：





「市長！果位『學者』到底犯了甚麼法？佢只係講左假如有一日，地府同天堂都有領導人既更替既話，奧人實行一魂一票選出市長，不再由地府和天堂輪流提名，也是一種選項而已啊！」

「市長！有人話你係政治打壓果名『學者』，係以言入罪，你同唔同意？」

「『學者』既家人話佢已經失踪左三日，請問係唔係執法部門已經拘捕左佢？罪名係咩？」

「有人話係『愛奧之星』將佢綁架左去地府，係咪真既？」

「話天堂資助呢位學者，想問政府係咪已經掌握左咩證據？可唔可以公佈？」

一時間，記者們的問題四起，大有不回答便回不了去的勢頭。可是，天性好強的毒蛾又豈會輕易向這些尖銳的提問低頭？她逐一駁斥說：

「『學者』呢個身份並唔係咩護身符，言論自由亦都有界線，凡係觸犯到奧人治奧協議呢個根本大法既行為或者思想，就算唔係犯左奧運邊一條具體既法例，都係唔能夠輕輕放過。」





「片面咁理解奧人治奧協議，以為奧人治奧等於完全由一魂一票選出市長，係一種刻意既誤導，對於維持奧運既繁榮穩定沒有任何幫助。」

「係奧運，任何人都擁有出入境既自由。係現階段我睇唔到有任何證據證明有任何人比任何組織做出你所講既『綁架』。係你指控任何組織之前，希望你了解我地奧運政府既執法者係好有效率，值得嘉許。」

「關於勾結外部勢力的部分，由於牽涉到重大機密，現階段不適宜公佈。但我已掌握證據，會在適當的時機向公眾宣佈。」
雖然毒蛾信心爆棚地回應了記者們的提問，但對方卻認為她答非所問，絲毫沒有退讓的跡象。陳皮見狀護主心切，便立即指示守衛將記者們硬生生地拖走，毒蛾才得以回到官邸之內。

＊＊＊＊＊＊＊＊＊＊＊＊＊＊＊＊＊＊＊＊＊＊＊

此時，毒蛾和陳皮已回到官邸內的會議室，官邸外亦已被守衛清場，沒有一個記者能靠近。雖然剛剛受到了圍攻，但毒蛾的心情竟然沒有一絲低落，還興致勃勃地翻看剛才所發表宣言時的錄影片段，她滿意地道：

「拍得不錯，尤其是將我拍得莊端嫻淑，有一種說不出的女性陰柔之美。」

在陳皮眼中的上司其實只是皮笑肉不笑。不過作為聰敏的打工仔，他對於上司的審美觀自然不會諸多意見，便說：





「大人你的台風無人能比，令市民拜服都是當然的。只是，有必要選這個敏感的時候搞記者會嗎？這樣子玩弄文字遊戲，小人擔心會弄巧反拙啊。」

「陳皮，都說你的視野太窄了。我這個市長啊，任期都快到了，你說我還能連任嗎？」

「這個．．．按天堂和地府的協議，是由兩地隔年輪流支持一位候選人出任市長的吧。按這慣例，大人不太可能連任啊。」陳皮坦白地說。

「沒錯，按現在的形勢，扮中立的番薯很可能成為下任市長。我肯定，那舊番薯為了討好反對派，一上任就會取消我辛苦建立和經營的親地府政策。我怎能讓這些努力付諸東流呢？」

「小人明白你不想交捧，但那跟妳說些刺激反對派的宣言有何關係啊？」

「陳皮我問你，要爭取支持容易？還是抹黑對手容易？」

「所謂破壞容易建設難，當然是後者啊。」

「第二問，你說反對派會支持番薯還是支持我？」





「．．．可以的話，他們兩個都不選。兩害取其輕的話，唯有選番薯吧。」

「你這小人真是．．．太坦白了。算吧，第三問，如果我積極地與反對派和解，他們會支持我連任嗎？」

「肯定不會。」

「你也是這樣想啊！既然我打壓也好，溝通也好，那些反對派都不會支持我，我又何需顧慮他們的感受呢？」

毒蛾說的一點也沒錯。既然反對自己的人怎樣也會反對，何不多做一些鞏固自身支持者的激進行為？陳皮心知這種策略雖然會導致奧運社會撕裂，但ＷＨＯ　ＣＡＲＥ？反正陳皮自己和毒蛾都不是撕裂的始作俑者，頂多是在傷口上撒鹽而已。在敵我矛盾不能化解的情況下，最需要做對的就是選中勝算較高的那邊啊！