人渣誠自傳（完整版）: 五

毒左咁多年，終於，我有女喇。 

送Heidi返屋企既路上，我地十指緊扣，一秒都冇鬆開。 

「我返上去喇，男朋友。」佢挨近我，錫左埋黎。 

原來，Goodbye kiss係咁樣既。 

返到屋企之後，我收到Heidi既message，一個好大既心心同埋「Love you」。我諗，我冇發夢，我真係拍緊拖。 



我第一個要匯報既人唔係振威，亦唔係阿偉，而係張彥琪。冇佢，我諗我未必可以同到Heidi一齊。 

「喂，我得米喇!」我whatsapp張彥琪。 

「恭喜」唔知係咪因為佢冇打emoji既緣故，我覺得佢應得好冷淡。 

我冇理會到佢，期待住同Heidi之後既發展。 

「好野!!!!」振威知道我同左Heidi一齊之後，拍哂手掌祝福我。 



「咁咪幾好囉。」阿偉微笑道。 

佢地兩個仲好似開心過我，依啲咪兄弟囉。唔開心既時候同你分擔，遇上好事既時候比你更開心。識到你地係我福氣。 

「係呢，你同巧婷點啊?」我問振威。 

自從我地通識組熟左，振威都有揾佢女神吹水。 

「算係有聯絡咁啦...」佢顯得有少少失落。 



「你地覺得我應唔應該去馬...?」振威再問。 

見到我成功得米，我諗佢都有啲心癢癢。 

「依啲野你自己決定啦...」阿偉話。 

「但無論點，我地都會支持你。」阿偉續道。 

依啲咪兄弟囉。 

之後既日子，我同Heidi過住幸福快樂既生活...當時仲係咁覺得。 

每日一齊返學同放學，假期既時候又會約出街。行街、睇戲，食m記就基本野黎。係，佢會陪我捱m記，真係好女仔黎。 

又或者應該咁講，佢好向左走向右走鍾意食m記。仲要係食開心樂園餐...真心吹脹。 



佢每晚都會打篇千字文比我，好似日記咁既文章，講下當日發生既事，最後再加多句我愛你。 

佢，真係幾好，當時... 

我地既關係維持左一段時間，直到我生日既時候，先至有大躍進。 

我諗大家都等左好耐喇...係，佢送左自己比我。 

我生日當日，我擺脫左處男既身份。

係我地一齊左既三個月左右，我地都會傾電話，有時都會帶到性既話題。佢間唔中會同我講下女仔既野比我聽，我又講下晨勃比佢聽。 

「你知唔知呢，原來處女唔係一定有血架。」Heidi同我講。 



「有咁既事!?」 

跟住佢send左條YOUTUBE比我睇，講既就係處女膜。成日睇H漫都見紅，原來假既。 

有時同佢傾傾下，真係會扯到行一行。等到傾完既時候，我先打J。 

終於去到我生日既時候，佢上左黎我屋企，話想同我慶祝。今次就冇撞到張彥琪，撞到我阿媽。 

「衰仔，呢個你女朋友啊?」 

「係啊...」 

「得得得，阿媽識做既，今晚冇咁快返。」講完，佢就走左。 

阿媽唔係屋企，老豆又返工，屋企冇人。你估下會做咩丫?又未咁快搞野既，打陣茄輪先。 



打左幾分鐘之後，佢含情脈脈咁望住我，笑一笑，之後自己除左校裙。 

個次，係我睇一次見到女仔既裸體。 

「你都除啦...」 

「哦..好啊...」我回應。 

我都除埋衫褲之後，正諗住開戰既時候，先醒起一樣好緊要既野。 

「Hi Hi，我冇套...」一個毒向左走向右走點會有套旁身。 

「唔緊要啦，我安全期啊。」佢擒上黎。 



記得有巴打講過，有啲女仔睇上去好純情，但上到床既時候，隨時狼死過你。我不能同意更多。Heidi佢，強姦左我。 

我訓係張床上面，佢自己包辦哂所有事情，係我上面「un」。 

我望上去，見到佢陶醉既神情，佢雪白既身體就係我上方。我就放隻手係佢條腿上面。好滑，好滑。 

識玩，一定係玩腳。

經過一場腥風血雨既漫長戰爭，我射左。 

當然唔係入面啦。 

我亦進入左傳說中既狀態，「聖人」mode。 

過去既愛情故事，拖完手仔就會白頭到老。而當日，我同Heidi連愛都做埋，我以為一定會長廂廝守。點知，到最後... 

後來我先知道，原來上過床，並唔代表啲咩。留低既唔係愛，只係一灘既精液。 

「我愛你啊，老公。」 

個日開始，Heidi就以夫妻既稱謂叫我。 

原來依家既愛情，好複雜，好可怕。 

「我都愛你啊，老婆。」