「喂,今日放學練唔練波啊?」鉅仔問我。 

鉅仔,又名光頭鉅,係我校既超級球星。雖然一直都冇提過,但其實我係籃球隊。 

點解我會開始打籃球?因為初中既時候,聽講打籃球既男仔比較易吸引女性。到我大個既時候先知道,Hi,呃人既。 

靚仔,就算乜都唔洗做都一樣媾到女。 

相反,毒向左走向右走做乜勁都係哂氣。就算打波再勁都好,啲女都唔會望我地一眼。而鉅仔,就係當中既表表者。 



「唔啦,今日放學約左女朋友啊。」 

「Hi 你丫,叛徒!!!!!」 

拍拖之後,我放低左好多野,放左大部分既時間係Heidi身上。籃球,係其中一樣。 

曾經同一班隊友係球場上共同進退,燃燒青春,當初卻因為一條女而唔練波...諗返都幾後悔。 

「走得未啊?」 



「得啦,gogogo。」 

今日,我同Heidi一齊放學。 

「我地去邊啊?」Heidi問我。 

「冇所謂啊,你有冇地方想去丫?」 

「冇喎...」 



係機會喇。

「咁一係去我度...?」我提議。 

「嗯,好啊~」Heidi笑了笑,道。 

去我屋企有乜做?你話呢。緊係做愛啦,唔通做功課咩。 

上次Heidi上我屋企已經係我生日既事,即係上個禮拜。事隔一個禮拜,我終於可以同Heidi再嚐人間極樂。 

一入到我間房,鎖左門,Heidi就自動自覺除左件校服,訓係我張床上面。看見此情形,我亦不慌不忙地脫去衣物,準備作戰。 

佢將舌頭刺入我既口中,交換我地既口水。嘴到咁上下,差唔多要入正戲, 

Hi Hi,我唔記得買套。 



「老婆啊,我唔記得買套啊...」我同Heidi講。 

過左成個禮拜,安全期都過左啦。 

「唔緊要啦,你唔好射入面咪得囉。」Heidi話。 

佢都講到咁,唔通我仲拒絕佢咩?唔係內射,應該冇事掛,我諗我應該控制到既。 

點知,真係出左事,我走火。

「Hi Hi喇!!」 

「做咩啊老公?」Heidi嚇親。 



「我射左係入面...你feel唔到架咩?」我面都青埋。 

「Feel唔到啊...」佢話。 

今次真係Hi Hi鳥。 

「會唔會有bb架...」我越諗越驚。 

「應該唔會掛,應該冇事既...」Heidi故作鎮定,但我睇得出,其實佢都好驚。 

送左佢返屋企既路程,我地有傾過買唔買事後丸。但係我驚有後遺症,所以都係決定唔買,博一博,單車變摩托。 

代價就係,我地要驚一排。 

我每晚都上網睇下有關既資料,例如內射懷孕既機會係幾多。但愈睇,我就愈驚,驚到直頭訓唔到。 



就算訓着左,都會發惡夢。夢見一個血淋淋既細路仔,捉住我隻手同我講, 

「爸爸唔好唔要我。」 

萬一Heidi有左,我點同父母交代,點同佢既父母交代。Heidi仲係學生,生左個仔出黎基本上等於毀左佢前途。但落左個仔佢,我同殺人有咩分別?仲要係自己既親生仔... 

當時,Heidi每一晚都係度喊,話好驚會有BB。我聽到都覺得心痛,唉,衰咸濕。 

所以係依度勸各位巴打一句,扑野,記得戴套。 

過左一個月之後,一個假期既朝早,Heidi打電話嘈醒我。 

頂,點解我識既人都鍾意晨早流流打比我? 



「老公,老公!!!!!!」 

「做咩啊...?」我仲未訓醒。 

「我黎左M喇!!!冇事喇!!!!!」 

感謝上帝!!!!!!!我唔洗做未婚爸爸!!!!!! 

你唔會想像到個一日我有幾開心。 

經過依件事之後,我地既感情又好左。可能因為經歷左依啲事,令我地更加親密,更加相愛。直至阿偉同我講左「個件事」之前,我地感情都仲係好好... 

「阿誠,我有野想同你講。」阿偉約左我食野。 

「係關於Heidi既...」阿偉續道。 

「咩呢?」 

「Heidi佢,好似唔係處女...」

吓?