進化煉獄: 第十二章：現實世界（三）

「咦，你終於搵我喇信傑！Kenny同阿恩第一日就whatsapp左我，我地約左今晚飲野，你今晚方唔方便？」

不花一分鐘，文哥便回了訊息。信傑看到也愕然，沒想到自己已經是最晚的一個。

「我ok，幾點，邊度等？」
「太子酒吧街十字路口等啦，十點。」
「好。」

簡單幾句對話便完結，信傑直接躺在床上想著這兩天想到的問題。他本來就在想，直接找文哥和日龍問一問，可能更快找到答案吧？畢竟他們經驗更多，也經歷過好多次煉獄。照道理，這麼明顯的問題他們也應該遇到過、追查過，總該有點答案吧。





想著想著，信傑便睡著了。畢竟……早起太累了。

晚上九點多，信傑已經到了約會的地點，簡單的吃了點東西便靠在牆邊俏俏等著。卻沒讓他等多過幾分鐘，眼前便走著兩人過來。兩個個子高高的人，只是年紀上明顯有點差距。

信傑一看便認出了這二人就是文哥和Kenny，大家在現實與煉獄之間的分別不大。文哥穿上了普通的上衣和長褲，Kenny也一樣是休閒服裝。

文哥一個大步上前就是拍了拍信傑的肩說：「哈哈，見面喇見面喇，睇來你現實生活都冇咩大問題呀，好精神咁樣。」

信傑聽著這豪邁的聲音，心裡不禁有點溫暖的感覺。不知為何，僅僅是一次的煉獄，他便覺得這些人已經像生死之交一般。即使彼此完全不熟悉，但見面時卻是倍感安心。





「呃……阿恩呢？仲有……日龍呢？」信傑好奇的問道。

文哥指了指其中一間酒吧說：「阿恩到左，自己入左去坐。我諗住同阿南食完枝煙先入去，至於肥仔……佢現實生活比較神秘，佢好少參與呢啲聚會。」

信傑「哦」的一聲回答，便等待著二人抽完煙進去。言談間也大概知道了文哥已經是退休生活，回到現實世界的時間一般都是去健身做運動，沒家人，只有一個人。Kenny則也是單身，但他是個警察。除了上班之外實際上時間也不多，今天也是下班後才來的。

三人走進酒吧便找到劉淑恩，她依然是一副酷酷的形象，還是一套短袖T-shirt加上牛仔長褲的造型。就這樣四人坐在了一起，點了些啤酒和小食。

這刻文哥喝了一大口啤酒才說：「好喇，有咩問題即管問啦。不過……小心聲量，如果比現實世界嘅人聽到或者留意到，大家都知道主人嘅規則啦。」





三人點點頭，Kenny第一時間帶頭問著：「我都正想問呢個問題，而且你講得咁肯定……之前係咪有人試過透露煉獄空間嘅資訊出去然後，死左？」

文哥臉色變得有點難看，輕輕點頭說：「係，之前曾經有個仔。佢活過一次煉獄之後好興奮，番到現實世界之後同屋企人講左，然後佢……消失左。」

「消失？」信傑和Kenny異口同聲的問著。

「冇錯，係消失。」文哥吃了幾塊薯片才說：「回歸第一日，佢Whatsapp同我講佢打算同佢屋企人講聲佢去左邊，免得屋企人擔心。我完全冇機會阻止佢，打比佢嘅時候已經冇人聽。」

「第二日，我打算再打比佢果陣……發現電話入面冇左佢嘅紀錄。Whatsapp對話備份，通話記錄，甚至連電話號碼都冇晒，我打出去甚至係同我講未有用戶登記。」

「果一刻我先肯定，煉獄係神嘅傑作。只有神，先可以做到咁嘅地步，令一個人消失，一啲啲都唔留低！至於佢講左出去嘅資訊，反正如果有傳出去，應該冚世界都會知。所以唔知咩原因，佢屋企人根本冇收到佢所講出去嘅訊息。」

這番話聽得三人目瞪囗呆，實際上也解答了信傑兩三個疑問。信傑咳了咳才說：「文哥，同埋兩位……我都有少少野想分享同埋問下你地意見。」

接著信傑便把他找程霜的過程說了出來，由初初思考、到搜尋、到找程冰一一道出。但說完之後，眼前的三人卻沒有怎麼沉思。反而是一臉奸狡的看著信傑，是二人……兩個男人奸笑著看信傑。





「你條友仔對人地一見鍾情咁啵！」Kenny笑著說。
「吓？邊有！」信傑面紅耳赤的答著。
「冇？咁你又咁上心，仲專登走出去搵人？」文哥也接著話問。

「呃……咁……欸……總之！冇啦，唔係你地諗果啲！」信傑倒有點惱羞成怒的說著。

文哥和Kenny又是笑了好一會，文哥才坐正身體認真的道：「呢個情況我冇遇過。實際上我冇見過現實中本來就識得去過煉獄而又死左嘅人，畢竟好難有咁嘅機會認識。但係你講嘅情況確實好巧合，我都覺得佢地可能本身就係兄妹。但係因為程霜已經死左，所以抹殺左佢現實世界嘅存在，但係就留低左少少佢嘅訊息，呢個係個大發現。」

信傑點點頭說：「我都係咁諗，會唔會係因為彌補一啲唔協調嘅感覺呢？一個人生存左咁多年，冇可能話消失就消失，有好多佢曾經存在過嘅痕跡唔會話當粉筆字抹走左就等於冇左。所以我同意你所講，係神嘅能力先做到。再係果段消失嘅記憶之中，偽造番一段記憶上去。」

文哥又是喝了口啤酒再說：「冇錯，好大機會係咁。不過點都好，人已經死左。我之前已經講過，努力生存落去，先唔會辜負佢地嘅犧牲！」

頓時一番無話，好一會劉淑恩才開口問著：「我都有問題，想問下你肯唔肯定可以帶番我地嘅能力番泥現實世界？」





「唔肯定，不過有前輩話我聽，真係可以。」文哥接著說：「我之前有過一個前輩，佢試過用分數換左帶住能力番現實世界一次。至少佢果次實驗係真嘅，佢煉獄空間得到嘅能力，成功係現實世界中用到。呢個係我唯一知道嘅資訊，但係肯唔肯定可以永久帶番泥就真係要試過先知。」

阿恩點點頭，一副解決了她所有難題的樣子。開始舒暢地喝著啤酒，吃著零食。然後信傑又問道：「咁我想問呢，如果七日後……依加係五日後，我地會點去煉獄？如果我係街咁點算？」

這麼一問，Kenny和阿恩倒也是定神看著文哥，貌似也問到了他們著緊的問題。

文哥笑說：「每次煉獄回歸之後嘅第七日夜晚十二點，你會聽到主人嘅聲音。佢會比五分鐘時間你準備，到時自己搵個冇人嘅地方。五分鐘後，你眼前會一片漆黑，就同你第一次入煉獄一樣。身體會自動自覺慢慢向前行，然後眨眼間就會出現係武器房。」

「武器房？我以為係直接入煉獄。」Kenny好奇的說著。

「要攞番武器架嘛！而且入到武器房你就會知下次煉獄去邊度，到時就可以揀岩心水嘅武器。一樣係十五分鐘之後，就會入煉獄，到時就正式開始。」文哥淡然的回答著。

「明白……咁最後，其實……我地會唔會開個group，或者可能本身你地就有個group？」信傑也喝了口啤酒才慢慢的問著。

看到三人古怪的目光，信傑接著解釋道：「起碼有個group，大家方便聯絡嘛。然後文哥你地問過咁多問題，總要有個方法記低佢，方便日後做記錄嘛。如果唔係第時新人，或者我地三個有咩想問，又走去問一問你地先，咪好繁複？倒不如用個group，打晒所有問過嘅問題mark低晒佢，方便得多。」





文哥點點頭說：「嗯，好提議。我唔否認之前確實係有個whatsapp group存在過，不過因為之前有啲衝突之後，就退晒group。依加……好！我地就開個新嘅，好好交流下！」

就這樣，文哥就開了個群組。信傑加入的時候已經有四個人，加上他自己就是五個。文哥頓了頓才說：「我搵肥仔歸納番啲問題之後先出個whatsapp比大家知有咩問題問過啦！」

「嗯……唔洗加果一男一女？」Kenny有點小心的問著。
「見面問左先，我想……尊重番佢地。」文哥慢慢的回答。

就這樣，便完結了這晚的聚會。接著好幾天他們都在群組上簡單的聊了幾句，不外乎是回煉獄要不要也約在一起、對新人怎樣處理、武器房有甚麼武器等等。之後的幾天文哥也終於歸納好問過的問題，讓大家好好研究。

總之就這樣，時間一天一天的過去。終於到了進入煉獄之日……

...待續