愛是恆久忍耐: 第十八章

第十八章
最後我帶咗佢去金雞廣場一間cafe。

「 你好。麻煩你兩個人吖唔該!」我同cafe 嘅侍應講。

「 呢個moment我哋暫時未有好多客,梳化位你哋可以隨便坐,但係之後如果人客多嘅話,可能需要轉普通嘅枱,唔知你哋有冇問題？」

「 我問題,唔該曬。」

「 你想坐梳化位定係普通枱？」





「 我想坐得舒服啲,我覺得坐梳化好似好啲。」

「 你哋坐咗埋位先啦!我哋一陣會畀個menu你哋點野。」

我地揀好咗座位之後,Ashley已經急不及待走去睇下有咩漫畫書。 而我就幫手睇住佢岩岩買返來既戰利品。

侍應放低左份menu之後,我見Ashley選擇左好一段時間,佢攞咗返嚟嘅漫畫書叫“華麗咖喱食桌”,我見到佢拎返嚟既期數係一至十期。

「 我雖然知道你睇書睇得快,睇落你諗住睇完先走？」





「 十本其實唔多,好快就睇曬㗎啦。你諗好左叫咩野未呀。」

「 本身我諗住就咁飲杯嘢hea一陣就算,但我睇見你咁樣,應該都係諗住長期作戰㗎喇, 係唔係諗住食埋晚飯先走呀？」

「 都好喎,咁不如食埋晚飯先走啦!」

「 不過我而家唔太肚餓,不如我問下佢,可唔可以遲少少先叫嘢飲,同埋叫嘢食。」跟住我叫咗個侍應過嚟,佢話可以幫我落咗單先,之後想食既時候先再整俾我哋。

「 我要一個A餐,跟餐要一壺花茶。 花茶麻煩你宜家俾左我先。」Ashley第一時間諗好落埋單。





「 咁我要一個b餐同埋一杯cappuccino。 我唔使要杯嘢住,一陣間跟餐先畀我」侍應跟手就幫我哋落咗單先。

「 而家到我去揀書,你幫我睇住啲嘢得唔得。」

「 冇問題呀。」