愛是恆久忍耐: 第十九章

第十九章
我行咗出去揀左幾本書之後就返返埋位坐。 我諗我出去短短十分鐘左右嘅時間,我見到佢已經睇緊第二期。

「你好鍾意睇一啲煮食類型嘅漫畫?」

「 少少咁啦,但係最主要其實係,因為我睇到佢有華麗兩隻字, 所以先會吸引我去睇。」

「 呢本嘢會唔會有好似嗰啲其他烹飪漫畫,好鬼誇張好鬼誇張,又有必殺技又有條龍飛出嚟㗎。」

「 睇咗兩期都未見到有你所講別情況喎。我暫時睇算係一本好正經漫畫。」





「哦, 你慢慢睇啦,我想問你叫咗個壺花茶好唔好飲？」

「 普普通通咁啦,我只係搵唔到比花茶更想飲嘅嘢先點佢。」

傾左一陣偈之後,我再冇騷擾佢,兩個人靜靜地咁睇漫畫書。 當然我係睇漫畫書嘅同時,我又偷偷地望過佢。 佢好專心咁樣睇緊本漫畫書既樣, 令到我不自覺咁樣,好想再望多佢兩眼。

當佢睇完第六期嘅時候,佢突然間企左起身。

「我出去一陣間好快就會返嚟, 麻煩你幫我睇住啲嘢呀唔該。」 然後佢就行左出去間cafe。





對佢突然離開,我完全畀唔到任何反應。我再諗左一下,,既然佢所有嘅物品都喺我度,應該唔會走得好遠,同埋應該好快就會返嚟。