愛是恆久忍耐: 第四十九章

第四十九章
我最後決定出席老伯的葬禮,我有同Ashley提起過呢件事,佢話自己都想去見一見老伯的最後一面。

於是我就同Tony聯絡,話會出席老伯嘅葬禮。

當日我同醫院申請左外出一天,前一日我叫左老媽子拎一套前年出席親戚婚禮時訂造嘅西裝俾我。

當日Ashley同老媽子陪我喺醫院出發,然後一齊出席老伯嘅葬禮,我老豆就決定唔出席。

Ashley個日著左件黑色的連身長裙,加上一對黑色的皮鞋。而我就喺醫院換左一套西裝連黑皮鞋出席葬禮。





葬禮過程十分簡單,老伯在當天火化,義工帶了一個裝有老伯生前照片的相框。當火化完成後,大家在火葬場外的空地進行告別儀式。

嚟送別老伯嘅,除左我哋同埋Tony加幾個義工之外,重有老伯少量嘅朋友,不過就冇看到老伯屋嘅企人出現。

告別儀式結束後,Tony說老伯選擇了將骨灰撒到海中,現在正等候審批的過程,到時會有義工跟進,骨灰會交由義工拎返去中心暫存。

出席完葬禮之後,老媽子有事需要先離開,所以她拜託Ashley陪我返去醫院。

我最後並沒有立即返去醫院,而係任性地要求Ashley在火葬場外的空地陪我逗留一陣。





「好耐冇出過外面呼吸新鮮空氣了,唔好意思要你陪我,我唔想返去醫院住。」沒有在外面呼吸新鮮空氣是藉口,我只是暫時不想回到病房,我重未捨得離開呢度。

「冇關係呀!我最近準備考mock,日日都係返學放學之後去自修室溫書,吊頸都要抖下氣,宜家我陪你咪當俾個break。自己抖一陣間。」一邊講佢一邊扶我去一排長凳度休息。

「唔該你。」我在長凳坐低既同時,喺背囊入面拎出老伯留俾我既象棋。

「突然之間想捉棋,你想唔想捉?我記得老伯同你捉過話你有天份。」

「可以呀!佢重話我捉棋會諗埋對手會點行。但佢就話你只會睇眼前行既每一步棋。所以佢讚我捉棋叻過你多多聲。最重要既係你之前係我手下敗將。」





「得啦!幫手擺好盤棋啦!老伯講過棋一日唔練就會退步,之前我日日都有同老伯捉棋,你好耐先捉一次,個時輸俾你,應該都係你撞彩,呢一次我認真捉就唔會再輸俾你。」

「不如開個賭局,輸左既要滿足對方一個要求。」

「驚你呀!你等住輸俾我啦!」

如同老伯在信中所講,他不想任何一個人因為他的離開而惑到悲傷。不過我對老伯離開的感情與其說是悲傷,倒不如說是掛念。
老伯送俾我既象棋,與其放在一旁睹物思人,倒不如好好和別人捉一盤棋,好好咁令呢件物品能發揮佢既功用。