愛是恆久忍耐: 第四十八章

第四十八章
在Ashley面前喊左好耐,而佢亦一直不停咁安慰我。

我最後心情平伏左以後,佢先返屋企。

第二日朝早,有個自稱社工既人搵我。

「請問你係唔係蔣富榮先生?」

「我係,請問搵我咩野事?」





對於眼前的人,我完全未見過,所以我都唔知道佢搵我到底係咩野事。

「我叫Tony,是跟進陳xx先生(這是老伯的名字)的社工,早上整理他的遺物時,發現藏在棋盤中有一封信,他在信封面指明要將這一個棋盤以及信交給你。」說完之後,他放低左我平時與老伯捉棋的木製棋盤以及一封信。

「請問信的內容是關於什麼?」對於信的內容我感到十分疑惑,到底為什麼老伯要留一封信給我?

「我唔清楚信既內容,既然封信指名要交俾你,我必須尊重他的私隱,所以我沒有拆開信睇過內容。你不如自己開封信睇。另外,陳伯在入院時,訂立了遺囑與身後事的處理方法,這一張是我的卡片,火化及告別式葬禮會在這下個星期天舉行,如果你想出席可以隨時與我聯絡。」

「俾少少時間我諗下,到時如果我出席我會提前同你聯絡。」Tony離開之後,我打開老伯俾我個封信。





「富仔,生老病死是很平常的一件事,當你看到這一封信的時候,,我已經離開了。你不用太過悲傷。人是很奇怪的生物,我寫這封信的時候,感覺到自己離死不遠,我活了這麼久,已經沒有什麼值得留戀,很高興你能陪我渡過人生的最後一段路,本來我的願望是看著你康復然後離開醫院,可惜我應該是看不到了。這一副象棋我拿不走,現在就留給你當做預祝康復出院的禮物。希望你能夠好好珍惜這份禮物。最後請代我和雅詩妹妹講聲多謝,現在已經很少後生女會咁細心留意老人家的需要。祝你們兩人都健康快樂。」

看完信之後,我望住老伯俾我既棋,然後打開棋盤,兩邊的棋都按照位置放好,在腦海中按照老伯平時的棋法戰術來對奕。

結果我最後都係敗在老伯的手上,老伯這是我最後一次同你你捉棋了,我好想你教到我可以捉贏你,我真係好掛住你,祝你一路好走。