愛是恆久忍耐: 第五十五章

第五十五章

回到阿康的家中，他拿了一盒大富翁讓我們玩，7:00的時候，阿康拎張Pizza的外賣紙，然後叫我們決定今晚的晚餐安排。

「三個人的話，叫一個四人餐，薄餅你們選，飯要葡汁雞皇飯加一個肉醬意粉和闊條麵，汽水隨意就可以了。有沒有人有異議。」Ashley看了外賣紙後，很快就決定了。

「我沒有異議，反正我咩都食，阿康你來選薄餅。」講真，我其實對於食咩真係冇所謂，只要用我去諗就可以，所以我將個決定權交俾阿康。

「普通一個至尊批就可以了。不過我們三個人叫四人餐，真係有辦法食得曬咩？」





「三個人叫二人餐就會唔夠分，你兩個係男仔，食量應該唔會太差，到時食唔夠你可以留返聽日當早餐食都得。重有你唔好睇少我，我下午只係食左三文治，所以其實我可以食好多嘢。」Ashley雖然看似瘦削，但我見識過她的食量，的確不用太擔心她食得不多。

「我可以保證，如果叫二人餐的話，一定唔夠三個人分，照叫四人餐啦!」

「OK！今日我老死出院，Ashley你不要爭，呢一餐我請，不過我好似唔夠錢，要落一落街襟錢，你兩個在屋企等我，我好快就返。」阿康好明顯想為我造一個二人獨處的機會。

「你爭幾多錢，我剛好有$500元，就算是你說完請客，我都可以先付款，到時候你再還錢給我吧！」Ashley完全冇俾機會阿康借故離開。

「我唔想借你錢，加上我想落街買零食，你和阿Full慢慢玩住先，我好快就會返上嚟。」為求儘快甩身，他用九秒九的速度衝出門口。





「做埋啲無謂嘢。」Ashley忍唔住口嗡嗡一陣。

「係呢！你最近溫習進度點樣?跟唔跟得上?」得返我同Ashley兩個人，唯有開個話題等個氣氛冇咁尷尬。

「還可以啦!呢個時間基本上返到學校都係預備操卷，只要操得多就冇話跟唔上。差不多一星期冇見，你康復的進度如何?」

「我覺得情況比起之前好咗好多，最起碼我可以唔洗拎拐杖行到一段路，如果唔係醫院方面都唔會俾的先提早放監。」

「就快新年，你老媽子有問我會唔會搵你哋拜年，我未答佢，因為我要睇下到時屋企人拜年放唔放得人。」





「佢平時都冇叫開人拜年，你唔洗理佢，可能佢都係講下，你唔洗咁認真。不過新年去人屋企拜年好悶，啲長輩自己傾偈，話題又完全係同其他親戚比較，我年年都唔太想去。」一講起新年我就頭痛，所以我儘量勸佢唔好過來拜年。

「到時候先再講啦！我重未知拜年個日喺點情況，到時如果我得閒先再搵你。」

門鐘喺呢個時候響起，阿康買完嘢食好快就上返嚟，我睇唔透佢喺想俾我哋兩個人獨處，定真喺有嘢要買。

「零食準備好，pizza我啱啱落街個時都叫埋，我哋暫時俾自己放鬆一下，同埋慶祝阿full終於出院。」阿康放低手上嘅零食喺枱，然後倒左三杯可樂分別俾我同Ashley，而我同Ashley都同時拎起杯可樂做碰杯的動作。