就是這樣,我同婉婷一路傾到夠鐘。叫雞傾計好傻?對於我黎講,呢一段既傾計係有幾難得...有幾幸福...。我除左可以更了解我鍾意既人,更難得既係,係有一個人願意去聽我講廢話,試問一下,宜家搵一個人傾真心話係好難既事,而你...身邊會有一個咁既人嗎?

而我同時都相信婉婷此刻一定係需要一個愛佢,同可以比到幸福佢既人,而我...已決定要做婉婷呢個人。

或者你會覺得我好傻會講:「雞黎架炸,拔屌無情,唔好咁認真呀!」。但我可以同你講,我係傻,傻到鍾意左隻雞。我係鍾意左隻雞呀,但雞都係值得擁有愛情,雞都想比人錫比人愛。而且,婉婷比我既感覺真係好唔同,佢一直都我咁溫柔,我直覺都覺得婉婷都係鍾意我既!其實講咁多,你可能都係唔會明白,但我已經決定左,無人可以阻止到我。

此刻,婉婷開口講:「阿明,今天的時間也差不多了」。我望一望手錶應左句「那我穿衣服走了」。因為今日既計都傾得夠多,所以走前都無多講d咩。

婉婷只係問左句:「今晚阿明你應該沒那麼晚睡吧?我下班微信找你,要是你困了睡了就不用理~」



我應返婉婷:「不會那麼早睡的,我會等你~」。而搭車返屋低既途中,我已經開始係到諗要點表白。
已有 0 人追稿